Rusiya Milli Qvardiyasının keçmiş rəis müavini milyonlarla dollarlıq oğurluğa görə saxlanılıb

Rusiya Milli Qvardiyasının rəhbərinin keçmiş birinci müavini Viktor Striqunov saxlanılıb. O, vəzifə səlahiyyətlərindən sui-istifadə və rüşvətxorluqda ittiham olunur.

Bu barədə Rusiya mətbuatı hüquq-mühafizə orqanlarına istinadən məlumat yayıb.

“O, vəzifə səlahiyyətlərindən sui-istifadə və rüşvətxorluqda ittiham olunur”, - mənbə bildirib.

Onun Sibir dairəsində poliqon tikintisi zamanı səlahiyyətlərindən sui-istifadə etdiyi qeyd olunur.

Mənbənin sözlərinə görə, V.Striqunovun iştirak etdiyi cinayət işi Rusiya İstintaq Komitəsinin hərbi istintaq orqanları tərəfindən başlanıb. Söhbət dələduzluq yolu ilə oğurluq (Rusiya Federasiyası Cinayət Məcəlləsinin 159-cu maddəsinin 4-cü hissəsi) və ağır nəticələrə səbəb olan vəzifə səlahiyyətlərindən sui-istifadə (Rusiya Federasiyası Cinayət Məcəlləsinin 286-cı maddəsinin 3-cü hissəsi) ilə bağlı iddialara aiddir. V.Striqunov da onlara cəlb oluna bilərdi, bir sıra tikinti işlərinə nəzarət edə bilərdi. Zərər yüz milyonlarla rublla ölçülür.