Cüdoçuların qarışıq komanda yarışı başlayır 

Macarıstanın paytaxtı Budapeştdə kişi və qadınlar arasında cüdo üzrə keçirilən və Azərbaycan təmsilçilərinin iştirak etdiyi dünya çempionatı artıq finişə yaxınlaşıb. Qeyd edək ki, 7 günlük fərdi yaşayışlarin ardından bu gün mundialda qarışıq komanda yarışları keçiriləcək. 1/8 finaldan startı veriləcək bu yarışda Azərbaycan da daxil olmaqla 16 komanda mübarizə aparacaq. ACF-dan verilən məlumata görə, Azərbaycan millisi ilk görüşdə Almaniya ilə qarşılaşacaq.

Yeri gəlmişkən, yiqmamizin məşqçilər korpusu heyətə aşağıdakı cüdoçuları cəlb edib: Hidayət Heydərov, Rəşid Məmmədəliyev (hər ikisi 73 kq), Elcan Hacıyev, Vüqar Talıbov (hər ikisi 90 kq), Zelim Kotsayev, Uşanqi Kokuari ( hər ikisi +100 kq), Gültac Məmmədəliyeva, Fidan Əlizadə ( hər ikisi 57 kq), Aytac Qadasxanli və Nigar Süleymanova ( hər ikisi +70 kq).

Xatırladaq ki, Azərbaycan fərdi yaşayışlarda 3 bürünc medalla 93 iştirakçı komanda arasında 14-cü olub.

Medallar isə Zelim Tckayev (81 kq), Elcan Hacıyev (90 kq) və Zelim Kotsayevin (100 kq) payına düşüb.

İNTİQAM Məmmədov