Joze Mourinyo "Fənərbaxça"dan ayrılmaq ərəfəsindədir
"Fənərbağça"nın baş məşqçisi Joze Mourinyo klubdan getməyə yaxındır.
62 yaşlı portuqaliyalı Londonda "Fənərbağça"nın prezidenti Ali Koç ilə görüşüb və o, potensial müqavilənin ləğvi məsələsini müzakirə edib. J. Mourinyo güzəştə getməyəcəyini və yalnız müqavilənin sonuna qədər məşqçiyə verilməli olan 15 milyon avronun ödəniləcəyi təqdirdə ayrılmağa razılaşacağını açıqlayıb.
Xatırladaq ki, C.Mourinyo 2024-cü ilin yayından "Fənərbağça"ya rəhbərlik edir. Onun rəhbərliyi altında komanda ötən mövsüm Türkiyə çempionatında "Qalatasaray"a qızıl uduzaraq ikinci yeri tutub.
