Arxeoloqlar 2000 illik sarkofaq açaraq “görünməmiş” kəşf ediblər

Arxeoloqlar qədim Romanın ölülərini necə balzamladığını göstərən yeni və ətraflı sübutlar əldə ediblər. Onlar Neapoldakı tarixi “Kerberus türbəsi”ndə 2000 illik sarkofaqı açdıqdan sonra məəttəl qalıblar. Orada alimlər min illər boyu mükəmməl şəkildə qorunub saxlanılan qədim mumiya aşkar ediblər.

Bu tapıntı "görünməmiş" hesab olunur. Qeyd olunur ki, qalıqlar kamerada möhürlənməzdən əvvəl cəsədlərə tətbiq olunan bitki mənşəli kremlərdən (çenopodiya və yovşan) istifadə edilməklə sözün əsl mənasında qorunub saxlanılıb.

Cəsədlərdən biri kəfənlə örtülmüş, ətrafı qəbir əşyaları ilə əhatə olunmuş halda aşkar edilib. Mərhuma xüsusi qayğı ilə yanaşılması və tapılan əşyaların xronologiyası onun məqbərənin tikildiyi ailənin banisi ola biləcəyini deməyə əsas verirdi.

Giulianoda yerləşən "Serberus məzarı" 2023-cü ildə Arxeologiya, Gözəl Sənətlər və Landşaft Müdirliyi tərəfindən aşkar edilib.