Britaniyada 23 yaşlı Rayli Pekhem 49 yaşlı atası Ueynlə anasının sevgilisini döyərək öldürüb.

Bu barədə "Yahoo News" məlumat yayıb.

Oğul atası ilə anası Kerrinin yaşadığı evə gəlib. Rayli damın üstünə çıxıb və pəncərədən evə daxil olub. İngilisin sevgilisi Metyu panikaya düşüb və dolabda gizlənib, sonra isə öz həyatından qorxaraq polisə müraciət edib. Qadın oğlunu qovmağa çalışıb və qışqırmağa başlayıb, daha sonra əri evə daxil olub. Qısa müddətdən sonra Kerrinin oğlu şkafda anasının sevgilisini tapıb və hücum edərək onu öldürməklə hədələyib.

Qadının əri də Metyuya tərəf qaçaraq onun başına və bədəninə təpik vurub. Britaniyalı sevgilisini müdafiə etməyə tələssə də, bir neçə zərbə alıb. Oğul və ata kişiyə çoxsaylı xəsarətlər yetirib, sonra isə onu boğub öldürüblər.

Qətl yerinə gələn polis hücum edənləri saxlayıb. Eyni zamanda gənc britaniyalı əli qandallı şəkildə qaçsa da, bir neçə saat sonra saxlanılaraq polis bölməsinə aparılıb.

Ata və oğul qadının sevgilisini öldürməkdə və ona hücum edərək sağlamlığa ağır xəsarət yetirməkdə ittiham olunublar. Qatillər öz günahlarını inkar edirlər. Kerri əri ilə münasibətini kəsdikdən sonra sevgilisinin yanına köçdüyü vurğulanır. O, keçmiş ərinin qəddar, balanssız və despotik olduğunu söyləyib.