Builki ANİMAFİLM-in qaliblərini möhtəşəm mükafatlar gözləyir! - - FOTO

Builki ANİMAFİLM-in qaliblərini möhtəşəm mükafatlar gözləyir! - FOTO

ANİMAFİLM festivalı Fransanın Azərbaycandakı səfirliyi və Fransız İnstitutunun (İFA) tərəfdaşlığı və Annecy Animasiya Filmləri Beynəlxalq Festivalının dəstəyi ilə "Ən yaxşı Azərbaycan qısametrajlı animasiya filmi" kateqoriyası üzrə yeni mükafat təsis edib. Builki ANİMAFİLM festivalının qalibi 2021-ci ildə Fransada keçiriləcək Annecy Beynəlxalq Animasiya Film Festivalında iştirak edəcək və MİFA adlı peşəkar akkreditasiya alacaqdır. Qalibin bütün səyahət və yaşayış xərcləri İFA tərəfindən ödəniləcək.

ANİMAFİLM festivalı "Qısametrajlı animasiya filmi üçün ən yaxşı Azərbaycan ssenarisi" kateqoriyası üzrə qalibə də yeni mükafat təqdim etmək üçün Avropa İttifaqının Azərbaycandakı nümayəndəliyi ilə əməkdaşlıq edir. Ssenari qalibinin mükafatı qiymətli fotokamera olacaq. Ssenari aşağıdakı mövzulardan biri ilə əlaqələndirilməlidir: müxtəliflik, tolerantlıq, multikulturalizm, insan haqları, qadın haqları və iqlim dəyişikliyi.

Müraciət etmək üçün son tarix: 30.06.2020
Əlavə məlumat üçün: www.animafilm.az

Xatırladaq ki, III ANİMAFİLM festivalı Oktyabrın 14-dən 18-dək Bakı və Şəki şəhərlərində keçiriləcək. Builki festivalın mövzusu Fransız animasiyasına həsr olunmuşdur. Festival Azərbaycan Respublikası Mədəniyyət Nazirliyi, Şəki Şəhər İcra Hakimiyyəti, Azərbaycan Kinematoqrafçılar İttifaqı, Çex Respublikasının Azərbaycandakı səfirliyi, Fransanın Azərbaycandakı səfirliyi, Azərbaycandakı Fransız İnstitutu, “Nizami” Kino Mərkəzi, “Mücrü” nəşriyyatı, Barat Abdullayev və digər tərəfdaş və sponsoraların dəstəyi ilə keçiriləcək.

***

De superbes prix pour les gagnants du festival ANIMAFILM 2020!

Le Festival ANIMAFILM, en partenariat avec l'Ambassade de France en Azerbaïdjan, l'Institut français d’Azerbaïdjan (IFA) et avec le soutien du Festival international du Film d'animation d'Annecy, a créé un nouveau prix dans la catégorie “Meilleur court métrage d'animation azerbaïdjanais”. Le lauréat du Festival ANIMAFILM de cette année participera au Festival international du Film d'animation d'Annecy en France en 2021 et recevra une accréditation professionnelle par la MIFA. Tous les frais de voyage et d'hébergement du lauréat seront couverts par l’IFA.

Le Festival ANIMAFILM coopère aussi avec la Délégation de l’Union Européenne en Azerbaïdjan afin d’offrir une nouvelle récompense pour le gagnant de la catégorie “Meilleur scénario de court-métrage azerbaïdjanais”. Le gagnant recevra un appareil photo professionnel comme récompense. Le scénario devra être lié aux thèmes suivants: diversité, tolérance, multiculturalisme, droits humains, droits des femmes, changement climatique. 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !