Azərikimya İstehsalat Birliyinin təşəbbüsü ilə Sumqayıtda bayram konserti keçirildi - (+FOTOLAR)

“Azərikimya” İstehsalat Birliyinin təşəbbüsü ilə Sumqayıtda bayram konserti keçirildi (+FOTOLAR)

https://www.facebook.com/groups/250993438794052/ 

 

Sumqayıtın ictimai və mədəni həyatında yaxından iştirak edən SOCAR-ın“Azərikimya” İstehsalat Birliyinin təşəbbüsü ilə xalqımızın ən əziz və ən sevimli bayramlarından olan Novruz bayramı ərəfəsində - martın 14-də çoxsaylı neftçilər ailəsinin – ”Azərikimya”nın, SOCAR-Polymer MMC-nin, SOCAR Karbamid zavodunun, “Azəriqaz” İB-nin Sumqayıt Qaz İdarəsinin və Sumqayıtda yaşayan digər əməkdaşlarının, eyni zamanda şəhər sakinlərinin asudə vaxtlarının və istirahətlərinin səmərəli təşkili məqsədi ilə “Kimyaçı” Mədəniyyət sarayında geniş konsert proqramı təşkil edilmişdir.

Bu bayram konsertini ölkə başçısının böyük Azərbaycan şairi və mütəfəkkiri İmadəddin Nəsiminin anadan olmasının 650 illiyinin təntənəli şəkildə qeyd olunması, 2019-cu il respublikamızda “Nəsimi ili” elan edilməsi, eyni zamanda Sumqayıt şəhərinin 70 illik yubileyinin qeyd edilməsi haqqındakı Sərəncamına kimyaçıların ən gözəl töhfəsi adlandırmaq olar.

Tədbirdə Sumqayıt şəhər İcra hakimiyyətinin başçısı Zakir Fərəcov çıxış edərək tədbir iştirakçılarını və ümumilikdə şəhər sakinlərini Novruz bayramı münasibətilə təbrik etmiş, ən xoş arzularını çatdırmışdır.

Azərbaycan Dövlət Akademik Filarmoniyasının Fikrət Əmirov adına Azərbaycan Dövlət Mahnı və Rəqs Ansamblının kollektivinin iştirakı iləansamblın solistlərinin ifasında xalq və bəstəkar mahnıları, həmçinin milli rəqslər tamaşaçılar tərəfindən alqışlar və gül-çiçək dəstələri iləqarşılanmışdır.

Tədbirdə Azərbaycanın böyük mütəfəkkir şairi İmadəddin Nəsiminin qəzəllərinin bədii qiraəti və bu qəzəllər üstündə ifa olunan muğamlar da dinləyicilərdə xoş ovqat yaratmışdır.

Tədbir boyu Azərbaycan Respublikasının Prezidenti İlham Əliyev cənablarının Sumqayıta səfərləri, şəhərə göstərdiyi diqqət və qayğı, aparılan abadlıq və quruculuq işləri, yeni sənaye müəssisələrinin yaradılması, nəticə etibarilə Sumqayıtın gözəl bir şəhərə və regionun ən böyük sənaye mərkəzlərindən birinə çevrilməsi diqqətə çatdırılmışdır.

Sonda ansamblın kollektivi dəvətə görə şəhər icra hakimiyyətinə və “Azərikimya” İstehsalat Birliyinə, isti və səmimi münasibətə, yüksək dinləmə mədəniyyətinə və alqışlara görə isə tamaşaçılara təşəkkür etmişdir.

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

               ( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !