Gəncənin küçə və meydanlarında bayram coşqusu yaşanır - + FOTO

Gəncənin küçə və meydanlarında bayram coşqusu yaşanır + FOTO

Artıq yeni ilin ölkəmizə qədəm qoymasına bir neçə saat qalıb. Vətənimizin hər yerində olduğu kimi, Gəncədə də hamı 2016-cı ili xoş xatirələrlə yola salıb, yeni ili sevinclə qarşılamaq istəyir. Elə buna görə də, şəhərin küçə və meydanlarında insanların bayram qələbəliyi yaşanır.

 

Bu günlərdə bayram libasını geyinən şəhər isə insanların sevincini daha da artırıb. Gəncədə bayram hazırlıqlarına hələ bir neçə gün bundan qabaq başlanılıb. Şəhərin mərkəzi meydanında, təhsil müəssisələrinin, idarə və təşkilatların qarşısında bir-birindən hündür və yaraşıqlı yolkalar qurulub. Binaların fasadı və küçələr isə al-əlvan işıqlarla bəzədilib. Bu gözəllik axşamlar daha qabarıq nəzərə çarpır. Bəzədilən yolkalar, küçə və prospektlər boyunca qurulan işıqlar ətrafa nur saçır, insanlarda xoş ovqat yaradır.

 

Yeni il axşamında ən çox sevinən həmişə olduğu kimi balacalardır. Yolkalar ətrafında nağıl və cizgi filmlərinin qəhrəmanlarını görmək isə balacaların çöhrəsində gülüş və təbəssüm yaradır. Gəncənin hər bir küçəsində, meydanında neçə-neçə uşağın üzündə yaşanan bu sevinci görmək, onların şən-şıltaq hərəkətlərini seyr etmək isə şəhər sakinlərinə əsl bayram əhvali-ruhiyyəsi bəxş edir. 

 

Fotolar AZƏRTAC-ındır

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !