Xəzər Mükafatı – 2016 nın qalibləri elan olunub -

“Xəzər Mükafatı – 2016”nın qalibləri elan olunub

Həştərxan Dövlət Filarmoniyasında Rusiya Azərbaycanlı Gənclər Birliyinin təşkil etdiyi populyar musiqi və rəqs sahəsində gənclər layihəsinin “Xəzər Mükafatı – 2016” beynəlxalq festivalının finalı keçirilib.

Heydər Əliyev Fondunun vitse-prezidenti Leyla Əliyevanın təşəbbüsü ilə 2012-ci ildən Həştərxanda keçirilən “Xəzər Mükafatı – 2016” festivalı Xəzəryanı regionun ən əlamətdar mədəni hadisələrindən birinə çevrilib, 2015-ci ildən isə beynəlxalq status qazanıb.

İldən-ilə festival öz coğrafiyasını genişləndirir. Bu il onun iştirakçıları arasında MDB ölkələri olan Moldova və Özbəkistanın nümayəndələri də olub.

“Xəzər Mükafatı – 2016” festivalında “Hədəf” kompozisiyası ilə Azərbaycanı Dövlət Filarmoniyasının solisti Lətifə Soyuöz təmsil edib.

Mükafatlandırma mərasimində Həştərxan şəhərinin meri Oleq Polumordvinov və vilayət hökumətinin beynəlxalq və xarici iqtisadi əlaqələr naziri Denis Afanasyev çıxış ediblər.

Mükafatlar 14 nominasiya üzrə təqdim olunub. Festivalın finalçılarını ekspertlərdən ibarət münsiflər heyəti müəyyən edib. Lakin yekun qərar həştərxanlıların öhdəsinə düşüb: festivalın qalibləri onlayn səsvermənin nəticələri əsasında elan olunub. 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !