Region gəncləri Beynəlxalq Gənclər Günündə bəyanat verdi - FOTO

Region gəncləri Beynəlxalq Gənclər Günündə bəyanat verdi FOTO

Gənclər üçün Təhsil Mərkəzi “12 Avqust - Beynəlxalq Gənclər Günü” münasibətilə Mingəçevir şəhərində təntənəli tədbir keçirib.
Rəsmi hissədə çıxış edənlər Beynəlxalq Gənclər Gününün əhəmiyyətini vurğulayaraq, bu tədbirin Azərbaycan gənclərinin də beynəlxalq aləmə inteqrasiyası işinə töhfə verdiyini, gənclərimizin beynəlxalq aləmdə nüfuzunu artırdığını, beynəlxalq gənclər hərəkatına qoşulduğunu və digər uğurları dəstəklədiyini qeyd ediblər.
Daha sonra gənclər mədəniyyət, incəsənət, idman, elm, təhsil, texnologiya, iqtisadiyyat və s. sahələrdə öz istedadlarını və qazandıqları uğurları səsləndiriblər. Təşkilatçılar tərəfindən onlara qazandıqları uğurlara görə diplom və hədiyyələr təqdim olunub.
Rəsmi hissənin sonunda iştirakçıların diqqətinə çatdırılıb ki, Azərbaycanın da müxtəlif beynəlxalq günlərdə fəallıq göstərdiyini nümayiş etdirmək məqsədilə bu tədbir haqqında BMT-nin katibliyinə, habelə digər beynəlxalq təsisatlara məlumat veriləcək, Ermənistanın işğalçılıq siyasəti nəticəsində on minlərlə gəncimizin hələ də öz yurd-yuvalarından didərgin düşməsinə beynəlxalq ictimaiyyətin göz yumması bəyan ediləcək.
Mərasim bədii hissə ilə davam etdirilib.
Qeyd edək ki, bu günün Beynəlxalq Gənclər Günü olması 8-12 avqust 1998-ci ildə Lissabon şəhərində keçirilmiş Gənclər nazirlərinin I toplantısında qəbul edilib.
 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !