Kiber yay Gənclər üçün yay düşərgəsi keçiriləcək -

“Kiber yay” Gənclər üçün yay düşərgəsi keçiriləcək

Azərbaycanda gənclər yeni texnologiya və qlobalizasiyaya meyilli ideallar, gözləntilər, ambisiyalar və istedadlar üzərində inkişaf edirlər. Bütün dünyada həm elmi, həm də texnoloji nailiyyətləri əsasən gənclər edir, buna görə də gənclərin elmi-texniki yaradıcılığını həvəsləndirmək, yeni ideyaların yaranmasına və ən əsası onların sonrakı tətbiqinə şərait yaratmaq lazımdır. Gəncliyin inkişafında növbəti mərhələnin təmin edilməsi məqsədilə Azərbaycan Respublikası Prezidentinin 2011-ci il 7 iyul tarixli Sərəncamı ilə təsdiq edilmiş "Azərbaycan gəncliyi 2011-2015-ci illərdə" Dövlət Proqramı"nda gənclərin potensialının inkişaf etdiriməsi, gənclərin menecment sahəsində fəal iştirakı, gənc mütəxəssislərin işlə təminatı və digər sosial-iqtisadi problemlərinin həlli prioritet hədəf olaraq müəyyən olunmuşdur.

Müasir gənclik informasiya kommunikasiya texnologiyalarının inkişaf etdiyi bir dövrdə böyüyür və bu gənc nəsil üçün tükənməz imkanlar yaradır. Gənclər gündəlik həyatlarının müəyyən hissəsini kiber-aləmdə: müxtəlif veb səhifələrdə, sosial şəbəkələrdə və s. internetin zəngin informasiya bazasından səmərələnmək və yaxud sadəcə ünsiyyət yaratmaq məqsədilə keçirirlər. Nəzərə alsaq ki, internet istənilən informasiyanı bir anın içində əldə etməyə imkan verir, o, gənclər üçün faydalı olduğu qədər zərərli də ola bilər. Bununla bağlı yadda saxlamaq lazımdır ki, yeniyetmələr qlobal hörümçək torunda mövcud olan aqressiv xarakterli informasiyanın təhdidlərindən müdafiə olunmalıdır.

Bunları nəzərə alaraq, "NUR" Uşaq və Gənclərin İctimai Birliyi Azərbaycan Respublikasının Gənclər və İdman Nazirliyinin dəstəyi ilə "Kiber Yay" adlı layihənin icrasına başlayır. Layihənin həyata keçirilməsində başlıca məqsəd gənclərin informasiya və telekommunikasiya texnologiyaları və sosial şəbəkələrdən düzgün istifadə üçün lazımi bilik və bacarıqlarla təmin edilməsi və gənclərin asudə vaxtının səmərəli təşkilidir. Layihə çərçivəsində keçiriləcək yay düşərgəsində 15-18 yaşlı 40 nəfər gənc iştirak edəcək.
Danılmaz fakt olaraq internet XXI əsrdə elmi, ictimai, siyasi və mədəni sahələrin inkişafına təsir edən, həmçinin fərdlərin bu prosesə cəlb olunmağını təmin edən əsas alətə çevrilmişdir. Buna görə də, layihənin başlıca hədəfi internetin təklif etdiyi sonsuz imkanlardan düzgün yaralana bilmək üçün gənclərin zəruri biliklərinin artırılması, və bununla da gənclərin internetdən yalnız şəxsi gündəlik məsələlər üçün deyil, həm də Azərbaycan həqiqətləri, ərazi bütövlüyü, ölkəmizin təbliği və vətənpərvərlik ruhunun yüksəldilməsi məqsədilə virtual təşəbbüslərin gerçəkləşdirilməsi üçün istifadəsinə nail olmaqdır.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !