Gülağa Tənha: BU SEVGİ ÖMRÜMƏ QƏFİLDƏN GƏLDİ

Gülağa Tənha: BU SEVGİ ÖMRÜMƏ QƏFİLDƏN GƏLDİ

 Gülağa Tənha:


BU SEVGİ ÖMRÜMƏ QƏFİLDƏN GƏLDİ
 

Bu sevgi ömrümə
qəfildən gəldi.
Nə sağına baxdı, 
nə də soluna,
Baxmadı keçilən
həyat yoluna.
 

Açıb ürəyimin 
qapılarını, 
özüylə gətirdi
tər baharını.
Onun gəlişiylə
dəyişdi dünyam.
Tamam başqa rəngə
boyandı həyat.
Bu sevgi
gözümə nurunu saçdı,
Bir də ürəyimə 
verdi qol-qanad…
 

Qayğıların məni
seçdiyi vaxtda,
Ömrümün yarıdan
keçdiyi vaxtda,
Kədərin sevinci
əzdiyi  vaxtda,
Qara buludların 
başımın üstündə
dolanıb-dolanıb
gəzdiyi vaxtda,
Bu sevgi ömrümə
qəfildən gəldi.
 

Nə sağına baxdı, 
nə də soluna,
Yoxsa gedəcəkdim
mən öz yolumla.
Dəyişdi aləmi
O, bircə anda.
Qoymadı bu ömrü
rahat yaşayım.
Dəyişdi dünyanı,
bu kainatı…
Mən belə bilməzdim
heç vaxt həyatı!
 

                        Moskva, 25.06.2004
 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]