"Shokki Mokki" markası "Məktəbim" layihəsinə dəstək verdi - FOTO

"Shokki Mokki" markası "Məktəbim" layihəsinə dəstək verdi - FOTO

Azərbaycanın qida sektorunda ilk uşaq markası olan “Shokki Mokki” özünün “Xoşbəxt böyüyən sabahlar” şüarına sadiq qalaraq paytaxt və bölgələrdə yaşayan uşaqların uğurlu gələcəyi üçün dəstəyini davam etdirməkdədir. Markanın bu istiqamətdə növbəti addımı UAFA təşkilatı ilə birgə “Məktəbim” layihəsinə qoşulmaq olub.  Belə ki, “Əl-ələ təhsilin işıqlandırdığı xoşbəxt gələcəyə” şüarı ilə keçirilən kampaniya müddətində istehlakçılar tərəfindən mağazalardan alınan  “Shokki Mokki” məhsullarının hər biri layihənin fonduna dəstək olmuş olacaq. Layihənin  missiyası aztəminatlı, ucqar ərazidə yaşama və əlillik səbəbindən məktəbəqədər təhsilə çıxışı olmayan uşaqları da daxil etməklə alternativ və dayanıqlı təhsil imkanları yaratmaqdır. Bu sosial kampaniya çərçivəsində 2023-cü ilin sonuna qədər hər birində 20 uşağın təhsil alacağı 300 məktəbəqədər tədris müəssisəsi açılması nəzərdə tutulur, hazırda bu say 50-dir.


“Məktəbim”in məqsədi və təsir dairəsi ilə bağlı ictimaiyyətə ətraflı məlumat vermək üçün media nümayəndələrinin iştirakı ilə tədbir keçirilib. Çıxış edən təşkilatçılar tərəfindən bildirilib ki,   “MƏKTƏBİM” layihəsinin icra edilməsində bölgələrdən qadınlar da iştirak edəcək ki, bu da onların məşğulluğunun təmin olunmasına dəstək olacaq.  Eyni zamanda layihə Dayanıqlı İnkişaf Məqsədləri və “Azərbaycan 2020: Gələcəyə Baxış” İnkişaf Konsepsiyası kimi bir sıra dövlət əhəmiyyətli proqramların yerinə yetirilməsinə də  öz töhfəsini vermiş olacaq. Tədbirin təqdimat hissəsinin ardından təşkilatçılar tərəfindən media nümayəndələrinin sualları cavablandırılıb.
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]