"Rabitəbank" 29-cu ilini qeyd edir

"Rabitəbank" 29-cu ilini qeyd edir

Ölkənin aparıcı banklarından olan “Rabitəbank” ASC, bu il 29-cu ilini qeyd edir. Bank 1993-cü il, 30 iyunda təsis edilmiş və fəaliyyətinin ilk vaxtlarından bugünədək innovativ bankçılıq həlləri ilə müştərilərin rəğbətini qazana bilmişdir.

Bankın mühüm məqsədlərindən biri müştəri xidməti keyfiyyətinin davamlı inkişafı, göstərilən xidmətləri genişləndirmək, ənənəvi bank xidmətlərini rəqəmsala daşımaq və şərtlərini asanlaşdırmaqdır. Bu, həm Bankın sloqanında – “Rahat bankçılıq”, həm də fəaliyyətində və xidmətlərində öz əksini tapır.

Hazırda “Rabitəbank” müştərilərə müxtəlif növ bank xidmətləri (hesablaşma-kassa xidmətləri, müxtəlif istehlak və biznes kreditləri, əmanətlər, plastik kartlar, pul köçürmələri, İnternet texnologiyaları əsasında distant bank xidmətləri və s.) göstərir. Hal-hazırki dövrdə bankın aktivləri 1 milyard manat, kredit portfeli isə 600 milyon manata yaxınlaşmışdır. Qeyd etmək istəyirik ki, Rabitəbank-ın flaqman məhsulu olan “Rabita Mobile”, 700-ə yaxın ödəniş növü ilə ölkənin ən böyük ödəniş platformalarından biridir.
 
“Rabitəbank” müxtəlif beynəlxalq və xarici maliyyə təşkilatları ilə sıx əməkdaşlıq edir və bu əməkdaşlığın əsas istiqamətlərindən biri də sahibkarlığın kreditləşdirilməsi və ticarətin maliyyələşdirilməsi üzrə müxtəlif layihələrin həyata keçirilməsidir. Bank sahibkarlığın kreditləşdirilməsi və ipoteka kreditlərinin verilməsi üzrə dövlət proqramlarında da aktiv iştirak edir və bu istiqamətdə Aqrar Kredit və İnkişaf Agentliyi, Sahibkarlığın İnkişafı Fondu, İpoteka və Kredit Zəmanət Fondu ilə əməkdaşlıq edir. Beynəlxalq qurumlarla əlaqələrini daima genişləndirən Rabitəbank, yaxın keçmişdə “İslam İnkişaf Korporasiyası”, “Deutsche Sparkassenstiftung für internationale Kooperation e.V” fondu və “Qara Dəniz Ticarət və İnkişaf Bankı” ilə uğurlu əməkdaşlıqların bünövrəsini qurmuşdur. “Rabitəbank” Kiçik və Orta Sahibkarlıq seqmentində fəaliyyət göstərən iş adamlarına davamlı maliyyə dəstəyi həyata keçirir. Bunlara kiçik və orta biznes nümayəndələri arasında təchizat zəncirinin maliyyələşdirilməsi, ticarətin maliyyələşdirilməsi, invoysların və sifarişlərin maliyyələşdirilməsi, kənd təsərrüfatında rəqabət qabiliyyətinin gücləndirilməsi üçün biznes krediti məhsulları daxildir.

Azərbaycanın bank sektoruna gətirdiyi yenilikləri ilə daim öndə olan “Rabitəbank”, 29 illik fəaliyyət dövründə rəqəmsal həllər vasitəsiylə bank xidmətlərinə əlçatanlığı artırmaq və müştərilərin maliyyə savadlılığının yüksəldilməsi istiqamətində mühüm dəyişiklər həyata keçirib. Bank yenilənmiş İnternet Bankçılığı, “Apple Pay” və “NFC” ödənişlərin mümkünlüyü, “Rəqəmsal Kreditləşmə” və bir sıra funksionallıqları ilə daha da təkmilləşdirilmiş Mobil Bankçılığı ilə müştərilərinə rahat və distant bankçılıq xidmətləri göstərməkdədir.

Rabitəbank fəaliyyətinin 29-cu ildönümü münasibəti ilə bütün müştərilərini, tərəfdaşlarını, səhmdarlarını və əməkdaşlarını təbrik edir, onlara əməkdaşlıq üçün təşəkkürünü bildirir və yeni uğurlar arzulayır.

"Rabitəbank" ASC, Azərbaycanın 16 regionu və Bakı şəhərində 27 xidmət məntəqəsi və 74 ATM-i, "Rabita Mobile" tətbiqi, İnternet Bankçılıq platforması və "RabitaBot" çatbotu, 133 nömrəli Çağrı Mərkəzi ilə müştərilərin xidmətindədir.
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]