"PAŞA Bank" "Telekommunikasiya və maliyyə xidmətləri sənayesi arasında sinerji" mövzusunda dəyirmi masa təşkil edib

"PAŞA Bank" "Telekommunikasiya və maliyyə xidmətləri sənayesi arasında sinerji" mövzusunda dəyirmi masa təşkil edib

15 illik zəngin təcrübəsinə və bazara dair dərin diliyinə əsaslanan “PAŞA Bank”, sənayenin aparıcı simalarını növbəti dəfə bir araya toplayıb. Belə ki, Bankın 21 iyun tarixində “Telekommunikasiya və maliyyə xidmətləri sənayesi arasında sinerji” mövzusunda təşkil etdiyi dəyirmi masaya müxtəlif müəssisələrin, şirkətlərin və startapların nümayəndələri qatılıb.


Tədbirdə İKT sahəsinin hazırkı trendləri və gələcəyi, Telekom və maliyyə sənayeləri arasında mümkün əməkdaşlıq imkanları müzakirə olunub. Spikerlər ən yaxşı dünya ölkələri təcrübələri ilə yanaşı, öz şəxsi təcrübələrini də auditoriya ilə bölüşüb.


Tədbirdə salamlama nitqi ilə çıxış edən “PAŞA Bank”ın idarə heyətinin üzvü Bəhruz Nağıyev fəaliyyət sahəsindən asılı olmayaraq, texnoloji vasitələrin tətbiqinin zərurətə çevrildiyini söyləyib. “Maliyyə qurumları növbəti illərə dair inkişaf strategiyalarını hazırladıqda, bizneslərinin bir çox hissəsində texnoloji tərəfdaşa ehtiyac duyduqlarını görəcəklər. Belə bir məqamda maliyyə institutlarının və texnoloji şirkətlərin əməkdaşlığı yeni biznes modellərinin və həllərinin yaradılması istiqamətində mühüm əhəmiyyət daşıyır. Bu əməkdaşlıq çərçivəsində təklif edilən texnoloji maliyyə yenilikləri bizneslərin davamlı inkişafını dəstəkləməyə və biznes proseslərinin səmərəliliyini artırmağa kömək edir”, - deyə Bəhruz Nağıyev vurğulayıb.


Dəyirmi masanın spikerləri sırasında “PAŞA Holding”in baş iqtisadçısı Elman Eminov, “PAŞA Bank”ın korporativ və institusional bankçılıq departamentinin Avto və Telekom sənaye sahibi Xanbaba Sultanlı, “Azercell Telecom” MMC-nin Big Data və təhlillər departamentinin direktoru Azad Hüseynov və “E-Ticaret Merkezim” şirkətinin təsisçisi Sərkan Koç yer alıb.


Qeyd edək ki, “PAŞA Bank” tərəfindən bu növ tədbirlərin keçirilməsində əsas məqsəd, həm sənaye sahələrində mövcud olan trendlərin, çətinliklərin və çağırışların müzakirə edilməsi, mümkün həll yollarının tapılması, ən yaxşı təcrübələrin nəzərdən keçirilməsi, həm də yeni əməkdaşlıqların qurulması üçün unikal bir platforma yaratmaqdır.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]