Ukrayna milli komandasının idmançısı ruslara agentlik edirmiş

Ukrayna milli komandasının idmançısı ruslara agentlik edirmiş

Ukrayna milli komandasının idmançısı ruslara agentlik edirmiş 

 

Ukrayna milli komandasının tərkibində iki Olimpiya Oyunlarının iştirakçısı, ağırlıqqaldıran Gennadi Krasilnikov rus işğalçılarının atəşini tənzimlədiyi üçün saxlanılıb.

 

Saxlanılan ağır atletin video görüntüləri internetdə yayımlanıb.

 

Bildirilir ki, ukraynalı müdafiəçilər Xarkov vilayətinin Çuqev şəhərində işğalçılarla əlbir olanları saxlayıblar. Saxlanılanlar arasında ukraynalı idmançı Krasilnikov da olub.

 

Qeyd edək ki, Krasilnikov ağırlıqqaldırma üzrə beynəlxalq dərəcəli idman ustasıdır. O, iki dəfə Yay Olimpiya Oyunlarında ağır çəki dərəcəsində Ukrayna yığmasının heyətində çıxış edib və yekun sıralamada 9-cu və 4-cü yerləri tutub.

 

Əlavə edək ki, yayılan söhbətlərə əsasən, Ukrayna təhlükəsizlik qüvvələri saxlanılan şəxsi yaxşı tanıyır. İstisna edilmir ki, Gennadi Krasilnikov Ukraynanın şərqində aparılan antiterror əməliyyatlarında iştirak edib.

 

Xatırladaq ki, daha əvvəl xəbər verilmişdi ki, Ukrayna ordusunun Xarkov vilayətindəki bölmələri Rusiya hərbi kəşfiyyatının atəşi tənzimləyən kimi cəlb etdiyi gənc oğlanı ifşa edib. Rusiyalı hərbçilər mobil messencerdən istifadə edərək onunla əlaqə yaradıblar.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]