Azərbaycanda XVI əsrə aid ən qədim kitab MEK-də mühafizə olunur

Azərbaycanda XVI əsrə aid ən qədim kitab MEK-də mühafizə olunur

 Azərbaycanda XVI əsrə aid ən qədim kitab MEK-də mühafizə olunur


Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) fondlarında Azərbaycan kitabxana sistemindəki ən qədim və qiymətli kitablar mühafizə olunur.
Son zamanlar MEK-in Nadir kitablar və qiymətli nəşrlər fondunun yenidən formalaşdırılması və təşkili nəticəsində Azərbaycan kitabxanalarındakı ən qədim kitab eksponatının məhz burada mühafizə olunduğu müəyyən olunub.
Sözügedən kitab çap tarixi 1502-ci ilə aid olan tərtibçisi Vallendorflu Virgilinin “Müxtəlif səhifələrdən və müəllifin məcmuələrindən ibarət Heptalogiya” (Heptalogium ex diversis paginis atque auctorum officinis congestum) adlı monoqrafiyasıdır.
Monoqrafiyada müəllif müxtəlif elm sahələri ilə əlaqədar fikirlərini bildirib, ritorika, arifmetika, etimologiya, orfoqrafiya, musiqi, astronomiya, həndəsə, etika, poetika, tarix, tibb, xiromantiya kimi elmləri və bu elm sahələrindəki problemləri qeyd edib.
Fondda, həmçinin 1508-1572-ci illəri əhatə edən, “Azərbaycan Respublikasının kitab abidələri”nə daxil olan kitablar da mühafizə edilir.
Qeyd edək ki, AMEA MEK-in Nadir kitablar və qiymətli nəşrlər fondu 1998-ci ildə yaradılıb. Burada kitablar müəyyən meyarlar əsasında seçilərək yığılıb. Bunlardan ən önəmliləri region və ölkə əhəmiyyətli elmi nəşrlər, nəfis tərtibatlı kitablar, nəşr tarixi və ölçülərinə görə seçilən kitablardır.

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]