Regional inkişaf üçün çoxtərəfli əməkdaşlıq zəruridir - İran rəsmisi

Regional inkişaf üçün çoxtərəfli əməkdaşlıq zəruridir - İran rəsmisi

Regional inkişaf üçün çoxtərəfli əməkdaşlıq zəruridir. İran regional əməkdaşlığın və sülhün təmin edilməsinə hər zaman tərəfdar olub.

Trend-in məlumatına görə, bunu Bakıda keçirilən İqtisadi Əməkdaşlıq Təşkilatı Parlament Assambleyasının Üçüncü Ümumi Konfransında İran İslam Respublikası İslam Şurası Məclisi Sədrinin birinci müavini Əli Nikzad deyib.

O qeyd edib ki, İran İƏT-ə üzv dövlətlər arasında əməkdaşlığı daha da artırmağa çağırır: “İran parlamenti bütün qanunvericilik imkanları ilə üzv dövlətlərlə əlaqələri gücləndirməyə tam hazırdır. İran İƏT-də əməkdaşlığın daha da gücləndirilməsinə qətiyyətlə çalışır. İran özünə qarşı zalım sanksiyalara baxmayaraq, həmişə bölgədə sülhün tərəfdarı olub”, - deyə o bildirib.

Ə.Nikzad əlavə edib ki, İran xarici siyasətdə qonşularla yaxşı münasibətlərin qurulmasının tərəfdarıdır: “Onu da qeyd edim ki, pandemiyadan digər ölkələr kimi İran da ziyan çəkib. İqtisadiyyatın bərpası bütün ölkələrin gündəmindədir”, - deyə o əlavə edib.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]