Milli Azərbaycan Ədəbiyyatı Muzeyində Açıq qapı günü təşkil ediləcək

Milli Azərbaycan Ədəbiyyatı Muzeyində “Açıq qapı” günü təşkil ediləcək

 Milli Azərbaycan Ədəbiyyatı Muzeyində “Açıq qapı” günü təşkil ediləcək

 

Azərbaycan Milli Elmlər Akademiyasının (AMEA) Nizami Gəncəvi adına Milli Azərbaycan Ədəbiyyatı Muzeyində 18 may - Beynəlxalq Muzeylər Günü münasibətilə “Açıq qapı” günü keçiriləcək.

“Açıq qapı” günündə paytaxt sakinləri və şəhərin qonaqları muzeyin zəngin ekspozisiyası ilə ödənişsiz tanış olmaq imkanını əldə edəcək, onlara Azərbaycan ədəbiyyatının görkəmli nümayəndələri, burada yer alan eksponatlar, mühüm ədəbi faktlar barədə ətraflı məlumat veriləcəkdir.

Qeyd edək ki, ICOM-un (Beynəlxalq Muzeylər Şurası) təşəbbüsü ilə 1977-ci ildə təsis olunmuş Beynəlxalq Muzeylər Gününün məqsədi muzeylərin cəmiyyətin həyatında oynadığı mühüm rolu göstərməkdən ibarətdir. Azərbaycan Respublikası Mədəniyyət Nazirliyinin təşəbbüsü ilə postsovet məkanında 1993-cü ildə ilk dəfə olaraq Beynəlxalq Muzeylər Şurasının Azərbaycan Milli Komitəsi təsis edilib. Milli Komitənin əsas fəaliyyəti ICOM-un işində iştirak etmək, Azərbaycan muzeylərinin işinin təkmilləşdirilməsi üzrə beynəlxalq muzeylərlə əlaqə yaratmaq, dünya standartlarına uyğun normativ aktların qəbulunda, habelə mədəni irsin qorunması istiqamətində dünya muzeyləri ilə bir sırada öz işini davam etdirməkdən ibarətdir.

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]