"Yaşıl Marafon" kampaniyası istilik effekti yaradan qaz tullantılarının azaldılmasına töhfə verəcək - FOTO

"Yaşıl Marafon" kampaniyası istilik effekti yaradan qaz tullantılarının azaldılmasına töhfə verəcək - FOTO

IDEA İctimai Birliyi və Ekologiya və Təbii Sərvətlər Nazirliyinin birgə təşkilatçılığı ilə həyata keçirilən “Yaşıl Marafon” kampaniyası çərçivəsində bu gün Qusar, Siyəzən, Ağcabədi, İmişli, Ağdaş, Sabirabad, Lerik, Göygöl, Goranboy rayonlarının meşə fondu ərazilərində və Bakı şəhəri Xocasən gölü ətrafında ağac əkini həyata keçirilib.
 

ETSN-in Ekoloji Maarifləndirmə və İctimaiyyətlə Əlaqələr şöbəsinin müdiri Səyyarə Məmmədova bildirib ki, gün ərzində ölkə üzrə ümumilikdə 23 824 ədəd müxtəlif cinsli ağac əkilib, 350 kiloqram palıd toxumu səpilib.
 

“Payız ağac əkini mövsümü başlayandan bugünədək ölkə ərazisində ümumilikdə 200 hektar ərazidə 214 607 ədəd müxtəlif cinsli ağac əkilib, 2480 kiloqram toxum səpilib”.
 

S.Məmmədova onu da qeyd edib ki, “Yaşıl Marafon” kampaniyası çərçivəsində keçirilən genişmiqyaslı ağacəkmə tədbirləri, eyni zamanda, istilik effekti yaradan qaz tullantılarının azaldılması ilə bağlı ölkəmizin götürdüyü öhdəliklərin yerinə yetirilməsinə və qoşulduğu təşəbbüslərə də öz töhfəsini verəcək.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]