5 noyabr 2021-ci il tarixdə 8 Noyabr – Zəfər Günü münasibətilə Baş Prokurorluqda tədbir keçirilib - FOTO

5 noyabr 2021-ci il tarixdə “8 Noyabr – Zəfər Günü” münasibətilə Baş Prokurorluqda tədbir keçirilib - FOTO

8 Noyabr - Zəfər Günü münasibətilə Baş Prokurorluğun kollektivi noyabrın 5-də I və II Şəhidlər xiyabanına gələrək Azərbaycanın müstəqilliyi və ərazi bütövlüyü uğrunda şəhid olmuş qəhrəman Vətən övladlarının xatirəsinə dərin ehtiramlarını bildirib, məzarları üzərinə gül dəstələri qoyub, “Əbədi məşəl” abidəsini ziyarət etmişlər.


Daha sonra Baş Prokurorluqda “8 Noyabr – Zəfər Günü”nə həsr olunmuş tədbir keçirilmişdir.
İlk öncə şəhid olmuş qəhrəman vətən övladlarının əziz xatirəsi bir dəqiqəlik sükutla yad edildikdən sonra Baş prokuror Kamran Əliyev prokurorluq orqanlarında çalışan bütün prokurorluq əməkdaşlarını və xalqımızı “8 Noyabr – Zəfər Günü” münasibətilə təbrik etmişdir.


Tədbirdə çıxış edən Kamran Əliyev bildirmişdir ki, Ermənistan silahlı qüvvələrinin 27 sentyabr 2020-ci il tarixdə təcvüzkar təxribatlara yenidən başlamasına cavab olaraq Ali Baş Komandan cənab İlham Əliyevin müdrik rəhbərliyi ilə Ordumuz torpaqlarımızın işğaldan azad edilməsi, Ermənistanın sülhə məcbur edilməsi, məcburi köçkünlərin öz doğma torpaqlarına qayıtması və ədalətin bərpası üçün Vətən müharibəsinə başlamışdır. Bu müqəddəs amal uğrunda bütün Azərbaycan xalqı səfərbər və həmrəy oldu.


Kamran Əliyev qeyd etmişdir ki, 44 gün sürən hərbi əməliyyatlar nəticəsində müzəffər Azərbaycan Ordusu işğal altında olan ərazilərimizi azad etməklə yanaşı Ermənistanı öz məğlubiyyətini etiraf etməsinə və kapitulyasiya aktını imzalamasına məcbur etmişdir.


Tədbirdə həmçinin, 44 Günlük Vətən Müharibəsi zamanı xidməti vəzifəsini yerinə yetirərkən Ermənistan silahlı qüvvələri tərəfindən atılan raket zərbələri nəticəsində xəsarət alan, Azərbaycan Respublikası Prezidenti cənab İlham Əliyevin 30 dekabr 2020-ci il tarixli Sərəncamı ilə 3-cü dərəcəli “Vətənə xidmətə görə” ordeni ilə təltif edilən Baş Prokuror yanında Korrupsiyaya qarşı Mübarizə Baş İdarəsinin əməkdaşı Ozal Həsənov, eləcə də müharibə zamanı dinc mülki əhalimizə qarşı törədilən cinayətlərin istintaqının aparılmasında fəal iştirak etmiş Baş Prokurorluğun İstintaq idarəsinin müstəntiqi Orxan Rzayevin çıxışları dinlənilmişdir.


Sonda isə 44 günlük Vətən Müharibəsinə həsr olunmuş Bakı Media Mərkəzi tərəfindən hazırlanan “Zəfər Meydanı” adlı sənədli film nümayiş etdirilmişdir.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
BAŞ REDAKTOR :  XEYRANSA  İSMAYILOVA 
(İsmayılova Xeyransa Eldəniz qızı)
WhatsApp:     https://wa.me/994515203020
 e-mail:  [email protected]