Külli miqdarda spirtli içkilər aşkar edilib - VİDEO

Külli miqdarda spirtli içkilər aşkar edilib - VİDEO

Dövlət Gömrük Komitəsinin Əməliyyat-İstintaq Baş İdarəsinin əməkdaşları Azərbaycan Respublikasının gömrük ərazisinə qaçaqmalçılıq yolu ilə gətirilən külli miqdarda aksiz markası olmayan spirtli içkilərin və siqaretlərin realizə edilməsinin qarşısını alıblar.
 

Belə ki, Baş idarənin əməliyyat idarəsinə üzərində Azərbaycan Respublikasının müvafiq aksiz markası olmayan müxtəlif markalı spirtli içkilərin "Bakı şəhəri, Səbail rayonu, Badamdar qəsəbəsində yerləşən yaşayış sahələrində saxlanılması, habelə həmin spirtli içkilərin bir hissəsinin "Daewoo Damas" markalı minik avtomobilində satış məqsədilə realizə edilməsi barədə əməliyyat məlumatı daxil olub. Gömrük əməkdaşları tərəfindən ərazidə keçirilmiş əməliyyat tədbiri zamanı "Daewoo Damas" markalı minik avtomobilinə baxış keçirilib və avtomobilin salon və arxa yük yerində saxlanılan müxtəlif ölçülü karton qutulardan və selofan torbalardan 82 ədəd müxtəlif markalı spirtli içkilər aşkarlanıb. Bundan sonra əməliyyat tədbirlərinin davamı olaraq Badamdar qəsəbəsindəki evin həyətyanı sahəsində yerləşən 2 ədəd qapalı tipli yaşayış sahəsinə keçirilən baxış zamanı 1443 ədəd spirtli içkilər və 100 qutu "Davidoff gold slims" markalı siqaretlər aşkar edilib.
 

Qeyd edək ki, aşkarlanan spirtli içkilərin və siqaretlərin ümumi dəyəri 48502 (qırx səkkiz min beş yüz iki) manat təşkil edir.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]