Natiq Allahverdiyev: Mərkəzi Nəbatat Bağında abadlıq işlərinin səmərəli təşkili məqsədilə Komissiya yaradılıb

Natiq Allahverdiyev: “Mərkəzi Nəbatat Bağında abadlıq işlərinin səmərəli təşkili məqsədilə Komissiya yaradılıb”

Natiq Allahverdiyev: “Mərkəzi Nəbatat Bağının keçmiş rəhbərliyi tərəfindən Bağa dəymiş zərərin bərpası istiqamətində işlər görülür”


Mərkəzi Nəbatat Bağının yeni rəhbəri: “KİV nümayəndələrini geniş abadlıq və yenidənqurma işləri ilə əyani tanış olmaq üçün Bağa dəvət edirik”


Mərkəzi Nəbatat Bağında abadlıq işlərinin səmərəli təşkili məqsədilə Komissiya yaradılıb – AÇIQLAMA
Natiq Allahverdiyev: “Mərkəzi Nəbatat Bağında abadlıq işlərinin səmərəli təşkili məqsədilə Komissiya yaradılıb”

 

AMEA-nın prezidenti, akademik Ramiz Mehdiyevin göstərişi ilə Rəyasət Heyəti Aparatının Daxili nəzarət və audit şöbəsinin Mərkəzi Nəbatat Bağında apardığı yoxlamalar nəticəsində müəssisədə bir sıra qanunsuzluqlar aşkarlanmışdır. Keçmiş rəhbərlik tərəfindən yeni ağacların əkilməsi üçün heç bir təşəbbüs göstərilməmiş, aqrotexniki qulluq olunmamış, suvarma sisteminin düzgün təşkil edilməməsi səbəbindən əksər ağaclarda quruma prosesi sürətlənmişdir. Nəbatat Bağının inkişafı və quruculuq işləri üçün dövlət büdcəsindən ayrılmış vəsait mənimsənilmişdir. Eləcə də Bağın imkanlarından şəxsi maraqlar üçün istifadə olunmuş, bu quruma məxsus ərazidə iki qanunsuz ev inşa edilmişdir. Hazırda bu tikililərin hüquqi yollarla sökülməsi üçün müraciət olunmuşdur.

 

Mərkəzi Nəbatat Bağına yeni təyin olunmuş, bu müəssisənin baş direktoru vəzifəsini icra edən Natiq Allahverdiyev bu barədə açıqlama verib.

 

N.Allahverdiyev qeyd edib ki, Daxili nəzarət və audit şöbəsinin yoxlama işləri nəticəsində ortaya çıxan qüsur, qanunsuzluq və mənimsəmələr tərtib olunmuş arayışda qeyd olunmuşdur. Onun sözlərinə görə, şöbə tərəfindən həyata keçirilmiş yoxlamaların əks olunduğu, sabiq direktor tərəfindən də imzalanmış arayış zərurət yarandıqda ictimailəşdirilə bilər.

 

O, ölkə Prezidenti İlham Əliyevin apardığı uğurlu siyasətə AMEA tərəfindən hər zaman dəstək göstərildiyini qeyd edərək, AMEA rəhbərliyinin akademiyanın bütün müəssisələrinin inkişafına nail olmaq üçün məqsədyönlü tədbirlər həyata keçirdiyini bildirib. N.Allahverdiyev akademik Ramiz Mehdiyevin AMEA-nın prezidenti seçildiyi ilk gündən inzibati idarəetmə ilə bağlı əhəmiyyətli tədbirlər həyata keçirdiyini diqqətə çatdırıb.

 

Əlavə edib ki, AMEA prezidentinin göstərişi ilə Mərkəzi Nəbatat Bağında başlanılan quruculuq işləri ilə bağlı bəzi media nümayəndələri araşdırmalar aparmadan, müəyyən insanların şəxsi mənafelərini işıqlandırmaq məqsədilə qarayaxma kampaniyalarına başlayıblar.

 

“Nəbatat Bağının rəhbərliyi ölkənin bir sıra media qurumlarını ictimaiyyətə düzgün informasiya ötürməyə, daha məsuliyyətli olmağa və dəqiqləşdirilməmiş, həqiqəti əks etdirməyən məlumatları yaymamağa çağırır. Həmçinin Mərkəzi Nəbatat Bağının yeni rəhbərliyinin həyata keçirdiyi geniş abadlıq və yenidənqurma işləri ilə əyani tanış olmaq üçün KİV nümayəndələrini Bağa dəvət edirik”, - deyə baş direktor v.i.e. N.Allahverdiyev bildirib.

 

O, AMEA Rəyasət Heyətinin qərarı ilə oktyabrın 6-dan etibarən Bağın baş direktoru vəzifəsini icra edən təyin olunduğunu deyib, bu vəzifənin öhdəsindən layiqincə gələ bilmək üçün bütün imkanları səfərbər etdiyini diqqətə çatdırıb: “Bağa rəhbərlik etməyə başladığım gündən etibarən burada nəzərəçarpacaq irəliləyişlər əldə olunub. Belə ki, yeni landşaft dizayn layihəsinin hazırlanması üçün fotoşəkillər çəkilib, layihə mərhələlər üzrə tərtib olunub”.

 

N.Allahverdiyevin sözlərinə görə, layihənin ilk mərhələsi üzrə əsas məqsəd ağacların su ilə təmin olunması və onlara aqrotexniki qulluq göstərilməsi üzrə işlərin görülməsidir. Yeni landşaft dizayn layihəsinin ilkin versiyası artıq AMEA rəhbərliyinə təqdim olunub.

 

O, həmçinin qeyd edib ki, abadlıq işlərinin səmərəli təşkili məqsədilə Komissiya yaradılıb. Komissiya biologiya elmi sahəsində tanınmış alim və mütəxəssislərdən ibarət tərkibdə təşkil olunub.
Baş direktor v.i.e N.Allahverdiyev Mərkəzi Nəbatat Bağının elmi potensialının gücləndirilməsi, işçi heyətinin fəaliyyətinin təkmilləşdirilməsi, ziyarətçilər üçün yeniliklərin təqdim olunması məqsədilə təkliflərin hazırlandığını, yaxın zamanda onların reallaşdırılması istiqamətində işlərə başlanılacağını da qeyd edib.
 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]