Mərkəzi Elmi Kitabxananın beynəlxalq əlaqələri genişlənir

Mərkəzi Elmi Kitabxananın beynəlxalq əlaqələri genişlənir

Mərkəzi Elmi Kitabxananın beynəlxalq əlaqələri genişlənir  

 

Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) prioritet istiqamətlərdən biri də dünya ölkələrinin kitabxanaları, kitabxana işinin inkişafı ilə məşğul olan qurumlarla qarşılıqlı əlaqələrin qurulması və inkişaf etdirilməsidir.

 

Görülən işlərin davamı olaraq ölkəmizin Moldova Respublikasındakı fövqəladə və səlahiyyətli səfiri Qudsi Osmanovun dəstəyi, Mərkəzi Elmi Kitabxananın baş direktoru, professor Məmməd Əliyevin təşəbbüsü ilə beynəlxalq əməkdaşlıq həyata keçirilib. Belə ki, MEK-in baş direktoru M.Əliyev ilə Moldova Respublikası “A. Lupan” Elmi Kitabxanasının direktoru K.M.Manolake arasında əməkdaşlıq haqqında müqavilə imzalanıb.

 

Əməkdaşlıq çərçivəsində hər iki kitabxananın fondlarının çap və elektron nəşrlərinin mübadiləsi, müvafiq ədəbiyyatların əldə edilməsi, qarşılıqlı informasiya dəstəyi, kitab sərgilərinin təşkili, elektron resursların hazırlanması və işlənməsi, eləcə də birgə layihələrin həyata keçirilməsi kimi məsələlər öz əksini tapıb.
Xatırladaq ki, AMEA Mərkəzi Elmi Kitabxanası öz fondlarını daha da genişləndirmək istiqamətində dünyanın bir sıra qabaqcıl ölkələrinin kitabxanaları və təşkilatları ilə davamlı və uğurlu əməkdaşlıq həyata keçirir.

 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]