ABŞ Rusiyadakı seçkiləri qeyri-azad və ədalətsiz qiymətləndirdi

ABŞ Rusiyadakı seçkiləri “qeyri-azad və ədalətsiz” qiymətləndirdi

ABŞ Rusiyadakı seçkiləri “qeyri-azad və ədalətsiz” qiymətləndirdi 

 

ABŞ Dövlət Departamentinin sözçüsü Ned Prays sentyabrın 17-19-da Rusiya Dumasına keçirilmiş seçkiləri tənqid edən bəyanatla çıxış edib.

 

Dövlət Departamentindən  daxil olan xəbərə görə, seçkilər “azad və ədalətli qaydalara uyğun olmayan” şəraitdə keçirilib.

 

Bəyanatda Rusiya dövlətinin “ekstremist qurumlar”, “xarici agentlər” və “arzuedilməz təşkilatlar”la bağlı qanunlarının siyasi plüralizmi məhdudlaşdırdığı və Rusiya xalqının öz mülki və siyasi hüquqlarından istifadəsini əngəllədiyi bildirilir.

 

Dövlət Departamentindən onu da qeyd edirlər ki, Rusiya dövlətinin öncədən tətbiq etdiyi məhdudiyyətlər üzündən ATƏT-in Demokratik Təsisatlar və İnsan Haqları Bürosu, həmçinin Parlament Assambleysası müşahidə apara bilməyib.

 

“Bu əməllər Rusiyanın beynəlxalq öhdəliklərinə ziddir” deyə bəyanatda qeyd edilir.

 

Bəyanatda Rusiyaya beynəlxalq öhdəlikləri xatırladılır və onlara hörmət etməsinə çağırış edilir. Qeyd olunur ki, ölkə vətəndaş cəmiyyətinə, siyasi müxalifətə və müstəqil mediaya basqılara son qoymalıdır.

 

Sonda qeyd edilir ki, ABŞ Ukraynanın suveren ərazisində Rusiyanın seçki keçirməsini də qəbuledilməz hesab edir.

 

Əlavə edək ki, söhbət Rusiyanın ilhaq etdiyi Ukrayna torpağı olan Krımdan gedir.Bayraqdar.info

 

LİNK t.co/vJCkXq7C4j

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]