Mobil Əhmədov 90 Ustadımın Yolu ilə filmi - VİDEO

Mobil Əhmədov 90 Ustadımın Yolu ilə filmi - VİDEO

 

Azərbaycan Respublikasının Xalq artisti, professor, vokal məktəbinin gözəl nümayəndəsi, Azərbaycan xalqının zəngin mədəniyyətinin tanıdılması istiqamətində səmərəli fəaliyyət göstərən Mobil Əhmədovun bu il sentyabr ayının 10 anadan olmasının 90 illiyi tamam olur. Bununla əlaqədar, Əməkdar artist Ramil Qasımov müəllimi Mobil Əhmədovun əziz xatirəsinə “Ustadımın Yolu ilə” adlı film-konsert hazırlayıb. “Ustadımın xatırəsi mənə hər zaman əziz və doğmadır. Yaradıcı nailiyyətlərimə görə ustadım Mobil Əhmədova borclu olduğumu hər zaman qeyd edirəm. “Ustadımın Yolu il” filmində, zamanında onun Azərbaycan Musiqili Komediya Teatrında indiki Azərbaycan Dövlət Akademik Musiqili Teatrında, yaratdığı sənət incilərinin nümunələri toplayaraq, onun ifa etdiyi üslubda yenidən özüm ifa etdim. Bu əsərlərin hər biri Azərbaycan klassik ənənələrinin zənginliyinə köklənir. Eyni zamanda “Ustadımın yolu ilə” filminin ərsəyə gətirməkdə məqsəd ustadıma ehtiram və hörmət əlamətidir.” – deyə Ramil Qasımov bildirib.


Qeyd edək ki, Mobil Salman oğlu Əhmədov 10 sentyabr 1931-ci ildə Gəncə şəhərində anadan olub. 1955-ci ildə Əzim Əzimzadə adına Bakı Rəssamlıq Məktəbinə daxil olub. Bir il sonra Azərbaycan Dövlət Konservatoriyasına qəbul olub və görkəmli vokal ustası Bülbülün sinfində təhsil almağa başlayıb. 1961-ci ildə Konservatoriyanı bitirən Mobil Əhmədov radio və televiziyanın xorunda solist kimi fəaliyyətə başlayıb. Elə həmin ilin sentyabrında Azərbaycan Dövlət Musiqili Teatrına (o vaxtki Musiqili Komediya Teatrına) dəvət olunub və burada işlədiyi təqribən 40 il ərzində 70-dən çox tamaşada müvəffəqiyyətlə çıxış edib. Yüksək ifaçılıq qabiliyyətinə malik olan M. Əhmədovun 600-dən çox lent yazısı, 40 valı var. Eyni zamanda o, müəllim-pedaqoq kimi Bakı Musiqi Akademiyasında, Azərbaycan Dövlət Mədəniyyət və İncəsənət Universitetində, Uşaq Filarmoniyasında, 22 və 6 saylı Musiqi məktəbində fəaliyyət göstərib. Azərbaycan mədəniyyətinin inkişafındakı xidmətlərinə görə 1978-ci ildə "Azərbaycan Respublikasının Əməkdar artisti”, 2000-ci ildə isə "Azərbaycan Respublikasının Xalq artisti” fəxri adlarına layiq görülüb.
Onuda qeyd edək ki, “Ustadımın Yolu ilə” film-konserti sentyabrın 10 tarixində Mədəniyyət, ARB və Xəzər telekanallarında nümayiş olunacaq.  
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]