BDU-nun rektoru Azərbaycanın Belarusdakı səfiri ilə görüşüb

BDU-nun rektoru Azərbaycanın Belarusdakı səfiri ilə görüşüb

Azərbaycan Respublikasının Belarus Respublikasında fövqəladə və səlahiyyətli səfiri Ülvi Baxşəliyev Bakı Dövlət Universitetində (BDU) olub.


BDU-nun rektoru Elçin Babayevin ölkəmizin Belarus Respublikasındakı səfiri Ülvi Baxşəliyevlə görüşündə Azərbaycan və Belarus arasında qarşılıqlı əlaqələrdən söz açılıb, hər iki ölkənin ali təhsil müəssisələri arasında əməkdaşlığın inkişafı imkanları müzakirə olunub.


Rektor ölkəmizin ən böyük ali təhsil müəssisəsi olan BDU-nun dünyanın bir sıra tanınmış universitetləri ilə sıx əməkdaşlıq etdiyi, qarşılıqlı təcrübə mübadiləsi apardığı haqqında məlumat verib, hazırda BDU-nun dünyanın 7 qabaqcıl ali təhsil müəssisəsi ilə ikili diplom proqramları üzrə birgə kadr hazırlığını həyata keçirdiyini qeyd edib. Belarus universitetləri ilə də qarşılıqlı təcrübə mübadiləsi aparılması, birgə elmi tədbirlərin keçirilməsi, elmi-tədqiqat işlərinin aparılması və s. istiqamətində işlər nəzərdə tutulub.


Səfir Ülvi Baxşəliyev Azərbaycan və Belarus arasında mədəni, elmi və təhsil əlaqələrinin zəngin tarixinin olduğunu bildirərək, gələcəkdə bu əlaqələrin inkişaf etdirilməsi üçün bütün imkanların olduğunu və səfirliyimizin bu məsələlərdə yardımçı olacağını qeyd edib.
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]