Ukrayna Milli Jurnalistlər Birliyi azərbaycanlı jurnalistlərin həlak olmasına etiraz olaraq bəyanat yayıb

Ukrayna Milli Jurnalistlər Birliyi azərbaycanlı jurnalistlərin həlak olmasına etiraz olaraq bəyanat yayıb

Ukrayna Azərbaycanlıları Radasının azərbaycanlı jurnalistlərin mina partlayışında həlak olması ilə bağlı Ukrayna Milli Jurnalistlər Birliyinin sədri Sergey Tomilenkoya müraciəti cavabsız qalmayıb.


Ukrayna Milli Jurnalistlər Birliyi bununla bağlı etiraz bəyanatı ilə çıxış edib. Bəyanatda ölkəmizin Kəlbəcər rayonunda baş verən faciə ilə əlaqədar narahatlıq ifadə olunub, həlak olanların ailələrinə və Azərbaycan xalqına dərin hüznlə başsağlığı verilib.


"Birliyimiz azərbaycanlı həmkarlarımızın həlak olmasına görə təəssüfləndiyini bildirir. Biz Beynəlxalq və Avropa Jurnalistləri Federasiyalarının jurnalistlərin və mülki əhalinin müdafiə olunması tələbləri barədə çağırışlarına qoşuluruq. Beynəlxalq hüquq normalarına və beynəlxalq müqavilələrə ciddi şəkildə əməl olunmalıdır. Ümid edirik ki, birgə səylərimizlə Qarabağı jurnalistlər üçün təhlükəsiz vəziyyətə gətirəcəyik!", - deyə Ukrayna Milli Jurnalistlər Birliyinin rəhbəri Sergey Tomilenko bəyan edib.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]