Azərbaycan Memarlıq və İnşaat Universitetinin tələbələri RSXM-də istehsalat təcrübəsi keçirlər

Azərbaycan Memarlıq və İnşaat Universitetinin tələbələri RSXM-də istehsalat təcrübəsi keçirlər

AMEA nəzdində Respublika Seysmoloji Xidmət Mərkəzi ilə Azərbaycan Memarlıq və İnşaat Universiteti arasında imzalanmış Memoranduma əsasən 16.02.2021-ci il tarixindən etibarən universitetin “Fövqəladə hallar və həyat fəaliyyətinin təhlükəsizliyi mühəndisliyi” ixtisası üzrə təhsil alan tələbələri RSXM-də istehsalat təcrübəsinə başlayıblar. İstehsalat təcrübəsi 25.05.2021-ci il tarixinə qədər davam edəcəkdir.


Qeyd edək ki, tərtib olunmuş İstehsalat Təcrübəsi planına əsasən tələbələr 17 may 2021-ci tarixində RSXM - nin “Qobu” seysmik stansiyasında olmuşlar. “Makroseysmik tədqiqatlar şöbəsi” nin  müdiri, geologiya-mineralogiya üzrə fəlsəfə doktoru, dosent Etibar Qaravəliyev  tələbələri seysmik stansiyanın iş prinsipi, istifadə olunan cihaz və avadanlıqlarla tanış etmişdir. Seysmik stansiya ilə yerində tanışlıq tələbələr üçün maraqlı olmuş və onlarda müxtəlif suallar yaratmışdır. Suallar yerində cavablandırılmışdır.


Tədbirdə Azərbaycan Memarlıq və İnşaat Universitetinin “Fövqəladə hallar və həyat fəaliyyətinin təhlükəsizliyi mühəndisliyi” kafedrasının dosenti, texnika elmləri üzrə fəlsəfə doktoru  Emil Qafarov da iştirak etmişdir.


Xatırladaq ki, Azərbaycan Memarlıq və İnşaat Universiteti ilə AMEA nəzdində Respublika Seysmoloji Xidmət Mərkəzi arasında təhsil, elm, ixtisasartırma və məşğulluq sahəsində əməkdaşlığa dair Memorandum 15 yanvar 2020-ci ildə  imzalanmışdır.
 

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]