Azərbaycan könüllüləri Quba Soyqırımı Memorial Kompleksini ziyarət ediblər - FOTO

Azərbaycan könüllüləri Quba Soyqırımı Memorial Kompleksini ziyarət ediblər - FOTO

Azərbaycan könüllüləri 31 Mart – Azərbaycanlıların Soyqırımı Günü ilə əlaqədar olaraq bu dəhşətli faciədə həyatını itirmiş soydaşlarımızın xatirəsini yad etmək məqsədilə Quba Soyqırımı Memorial Kompleksini ziyarət ediblər.


Ziyarət zamanı könüllülər ermənilərin törətdikləri amansız cinayətlər haqqında ətraflı məlumatlandırılıblar. Bildirilib ki, Quba soyqırımı məzarlığı 2007-ci il aprelin 1-də ərazidə aparılan tikinti işləri zamanı aşkarlanıb. Tədqiqatlar nəticəsində bu məzarlığın 1918-ci ildə ermənilərin yerli dinc əhaliyə qarşı törətdikləri soyqırımı ilə bağlı olduğu müəyyən edilib. 2013-cü ildə Heydər Əliyev Fondunun dəstəyi ilə əsası qoyulmuş Kompleks ermənilərin xalqımıza qarşı törətdikləri cinayətlərin dünyaya çatdırılması üçün olduqca mühüm rol oynayır.


Könüllülər ziyarətdən çox təsirləndiklərini, qalib dövlətin gəncləri olaraq bundan sonra da düşmən tərəfindən törədilmiş qanlı cinayətlərlə bağlı həqiqətlərin, tarixi faktların dünya ictimaiyyətinə çatdırılması və mart hadisələrinin heç vaxt unudulmaması üçün fəaliyyətlərini davam etdirəcəklərini vurğulayıblar.
 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]