Azərbaycan xalqının tarixinə 1992-ci il fevralın 25-dən 26-na keçən gecə "Xocalı faciəsi" kimi daxil olmuşdur. -

Azərbaycan xalqının tarixinə 1992-ci il fevralın 25-dən 26-na keçən gecə "Xocalı faciəsi" kimi daxil olmuşdur.

 Azərbaycan xalqının tarixinə 1992-ci il fevralın 25-dən 26-na keçən gecə "Xocalı faciəsi" kimi daxil olmuşdur. 

 

Ermənistan silahlı qüvvələri bütün beynəlxalq hüquq normalarına zidd olaraq, keçmiş sovet ordusunun 366-cı motoatıcı alayının iştirakı ilə Xocalı şəhərinə hücum edərək, azərbaycanlılara qarşı soyqırım aktını törətmişlər.
Bu hərbi təcavüz zamanı şəhər ağır hərbi texnikadan şiddətli atəşlər nəticəsində darmadağın edilmiş, dinc sakinlərə amansızcasına divan tutulmuşdur. Yalnız Azərbaycan xalqına qarşı deyil, bütün bəşəriyyətə qarşı yönəlmiş dəhşətli cinayət əməli nəticəsində 613 nəfər dinc azərbaycanlı milli mənsubiyyətinə görə vəhşicəsinə qətlə yetirilmişdir.
2020-ci il 29 sentyabr və 10 noyabr tarixlərində 44 günlük Vətən müharibəsində işğal olunan bütün torpaqlarımız düşməndən azad edilərək, ərazi bütövlüyümüz təmin olunmuşdur.
Hər il ölkəmizdə Xocalı soyqırımı qurbanlarının ildönümünə həsr olunan müxtəlif tədbirlər hazırlandığı kimi, bu il də 25 fevral 2021-ci il tarixində Üzeyir Hacıbəyli adına Bakı Musiqi Akademiyasının professor, müəllim və tələbə heyətinin iştirakı ilə Zoom proqramı vasitəsilə onlayn tədbir keçirildi.

İlk öncə Bakı Musiqi Akademiyasının "Beynəlxalq əlaqələr və tərbiyə işləri üzrə prorektoru", Xalq artisti, professor Yeganə Axundova hər kəsi salamlayaraq və tədbir iştirakçıları ilə birgə Xocalı soyqırımı qurbanlarını bir dəqiqəlik sükutla yad etdilər.
Y.Axundova 1992-ci ildə Xocalıda əliyalın, dinc sakinlərə qarşı mənfur düşmən tərəfindən törədilən vəhşiliklər, öz el-obasından didərgin düşən, qaçıb xilas olmaq istəyən insanlara aman verilməyib, günahsız soydaşlarımıza yollarda, meşələrdə pusqu quran erməni hərbçilərinin xüsusi amansızlıqla qətlə yetirməsi haqqında danışdı.
Sonra tədbirdə qonaq qismində iştirak edən Xocalıda doğulub, böyüyən Samirə Hüseynova həmin qanlı gecənin şahidi olaraq, qadınlara, uşaqlara, yaşlılara, insanlığa qarşı ermənilər tərəfindən görünməmiş qəddarlıqlardan, amansızlıqlardan danışaraq, yaşadıqları dəhşətləri, acı xatirələrini xatırladı.
Ardınca Yeganə Axundova BMA-nın "Nəfəs və Zərb alətləri" kafedrasının müdiri, Azərbaycanın Xalq artisti, professor, Müdafiə Nazirliyinin Şəxsi Heyət Baş İdarəsi Hərbi Orkestr xidmətinin rəisi, General-mayor Yusif Axundzadəni təqdim edib, onu

Azərbaycan Respublikasının Prezidenti tərəfindən "Şərəf" ordeninə layiq görülməsi münasibətilə təbrik etdi.
Y.Axundzadə də öz növbəsində Xocalı soyqırımı qurbanlarının xatirəsini anaraq, bu soyqırımın Ermənistan silahlı qüvvələrinin Azərbaycana təcavüzü zamanı doğma torpağının müdafiəsinə qalxmış xalqımızı sarsıtmaq, onun mübarizə əzmini qırmaq, Dağlıq Qarabağın azərbaycanlı əhalisinin bir hissəsini məhv etmək niyyəti ilə törədilmiş silsilə kütləvi qırğın aktlarından biri olduğunu qeyd etdi.
Daha sonra Sənətşünaslıq üzrə fəlsəfə doktoru,
Ü.Hacıbəyli adına Bakı Musiqi Akademiyasının Xarici tələbələrlə iş üzrə şöbə müdiri, Böyük Elmi işçi Vüqar Hümbətova söz verildi. O, Xocalı Soyqırımınına həsr olunan musiqi əsərlərindən bəhs etdi. V.Hümbətov yaradıcılığında Xocalı Soyqırımına həsr olunan bəstəkarların əsərlərini araşdırmış və tədbirdə dünyanın bir çox böyük şəhərlərində ifa edilən belə əsərlərdən bir neçəsini video şəklində dinləyicilərə təqdim etdi.
Çıxışlar arasında BMA-nın tələbələrininin Xocalı Soyqırımının ildönümünə həsr olunmuş ifaları səsləndirildi.
Sonda isə tədbir Müdafiə Nazirliyinin Əlahiddə

Nümunəvi Orkestrinin Rəisi, Əməkdar İncəsənət xadimi, dosent, polkovnik leytenant Rüfət Axundzadənin rəhbərliyi ilə "Qələbə marşının" sədaları ilə yekunlaşdırıldı.

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]