ABŞ-ın müxtəlif şəhərlərində Xocalı soyqırımını tanıdan xüsusi avtomobillər hərəkət edir - - FOTO

ABŞ-ın müxtəlif şəhərlərində Xocalı soyqırımını tanıdan xüsusi avtomobillər hərəkət edir - FOTO

Diasporla İş üzrə Dövlət Komitəsinin dəstəyi əsasında Florida ştatında fəaliyyət göstərən Azərbaycan-Amerika Mədəniyyət Assosiasiyasının təşkilatçılığı ilə Sauz Biç, Mayami və Orlando şəhərlərində, Florida Azərbaycan Cəmiyyətinin təşkilatçılığı ilə Sanni ayles Biç şəhərində, Amerika Orta Qərb ştatları üzrə Azərbaycan Mərkəzinin təşkilatçılığı ilə İllinoys ştatının Çikaqo şəhərində, Meyn Azərbaycan Cəmiyyətinin təşkilatçılığı ilə Meyn ştatının Portlənd  şəhərində "Xocalıya ədalət" tələbi ilə məlumatlandırma aksiyaları keçirilib.


"Xocalıya ədalət!" beynəlxalq məlumatlandırma kampaniyası çərçivəsində gerçəkləşdiriləm aksiya zamanı üzərində Xocalı soyqırımına dair faktları təqdim edən rəqəmsal plakatlı xüsusi avtomobillər şəhərin mərkəzi küçələrində hərəkət edib. Rəqəmsal plakatlarda Xocalıda erməni silahlı birləşmələrinin törətdiyi qanlı cinayətləri əks etdirən şəkillər və məlumatlar nümayiş edilib.


Xüsusi dizaynlı avtomobillər şəhərlərin mərkəzi küçə və meydanlarından keçərək yerli sakinlərin diqqətini Xocalıda ermənilərin azərbaycanlılara qarşı törətdikləri soyqırıma cəlb ediblər.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]