Florida ştatında Xocalı faciəsi qurbanlarının xatirəsinə havaya şarlar buraxılıb -

Florida ştatında Xocalı faciəsi qurbanlarının xatirəsinə havaya şarlar buraxılıb

ABŞ-da fəaliyyət göstərən Florida Azərbaycan Cəmiyyətinin təşəbbüsü və Diasporla İş üzrə Dövlət Komitəsinin dəstəyi ilə Florida ştatının Mayami şəhərinin mərkəzində Xocalı soyqırımının 29-cu ildönümü ilə əlaqədar anım tədbiri keçirilib.


Xocalı soyqırımı qurbanlarının xatirəsi bir dəqiqəlik sükutla yad edilib. Tədbir zamanı açıq havada Xocalı qətliamı zamanı qətlə yetirilənlərin xatirəsinə qara şarlar havaya buraxılıb və Xocalıya ədalət şüarlı stend yerləşdirilib.


Cəmiyyətin sədri Esmira Bayramova həm cəmiyyət üzvlərinə, həm də ərazidə tədbirlə maraqlanan şəxslərə Xocalı soyqırımı haqqında ətraflı məlumat verib. Bildirib ki, bəşəriyyətin ən qanlı səhifələrindən biri olan Xocalı soyqırımının tanıdılması və siyasi-hüquqi qiymətin verilməsi üçün hər bir diaspor üzvü və təşkilatı yerli ictimaiyyət və kütləvi informasiya vasitələri ilə sıx əməkdaşlıq etməli, ardıcıl və sistemli fəaliyyət göstərməlidir.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]