Azərbaycan və Qazaxıstan universitetlərinin tələbələri ilə ətraf mühitin mühafizəsi mövzusunda onlayn görüş keçirilib -

Azərbaycan və Qazaxıstan universitetlərinin tələbələri ilə ətraf mühitin mühafizəsi mövzusunda onlayn görüş keçirilib

Fevralın 22-də “Xəzər Regionunun Ətraf Mühitinin Mühafizəsi Təşəbbüsü” təşkilatı (Caspian Envıronmental Protectıon Initiatıve - CEPI) gənc nəslə ətraf mühitin mühafizəsi istiqamətində müasir təcrübələrin aşılanması məqsədi ilə Azərbaycan və Qazaxıstan Respublikalarının qabaqcıl ali təhsil müəssisələrinin 250 nəfərə yaxın müəllim və tələbə heyəti ilə onlayn görüş keçirib. Görüşdə Atırau Neft və Qaz Universitetinin, Xəzər Dövlət Texnologiya və Mühəndislik Universitetinin, Qazax-Britiş Texniki Universitetinin, SOCAR-ın Bakı Ali Neft Məktəbinin, Azərbaycan Dövlət Neft və Sənaye Universitetinin və ADA Universitetinin rəhbərləri və müəllim-tələbə heyəti iştirak edib.


Görüşdə giriş sözü ilə CEPI-nin İcra Komitəsinin sədri, SOCAR-ın ekologiya üzrə vitse-prezidenti Rəfiqə Hüseynzadə çıxış edib. Equinor, TOTAL və KazMunayGaz şirkətlərinin aparıcı ekspertləri təqdimatla çıxış edərək, tələbələrə aparıcı neft-qaz şirkətləri tərəfindən ətraf mühitin mühafizəsi, xüsusilə iqlim dəyişmələrinə təsirin azaldılması istiqamətində tətbiq olunan texnologiyalar haqqında məlumat vermiş, uğurlu layihələrin nəticələrini misal göstərmişlər. Görüşdə həmçinin SEPİ İcra Komitəsinin üzvi, Equinor “Absheron A.S.” şirkətinin Azərbaycan üzrə ölkə meneceri Favad Qureyşi və BMT-nin İnkişaf Proqramının ölkə üzrə rezident nümayəndəsi Alessandro Frakassetti iştirak edib.


Xatırladaq ki, “Xəzər Regionunun Ətraf Mühitinin Mühafizəsi Təşəbbüsü” (Caspian Envıronmental Protectıon Initiatıve - CEPI) 14 sentyabr 2020-ci il tarixində yaradılıb. Xəzər regionunda fəaliyyət göstərən neft və qaz şirkətlərinin ətraf mühitin mühafizəsi sahəsində yaratdığı ilk ictimai təşəbbüs olan CEPİ-nin məqsədi atmosferə atılan karbon tullantılarının sıfıra endirilməsi hədəflərinin iqtisadi mümkün şərtlərlə dəstəklənməsi, Xəzər bölgəsində neft və qaz fəaliyyəti sahəsində ekoloji dayanıqlığın təşviq edilməsidir.
 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]