Ötən il Energetika Nazirliyinin Çağrı Mərkəzinə 2566 müraciət daxil olub -

Ötən il Energetika Nazirliyinin Çağrı Mərkəzinə 2566 müraciət daxil olub

2020-ci ilin IV rübündə vətəndaş müraciətləri ilə bağlı Energetika Nazirliyinin “Çağrı Mərkəzi” və “Qaynar xətt”i tərəfindən 733 zəng qəbul edilib. Daxil olan zənglərin 359-u elektrik enerjisi təchizatı, 147-i qaz təchizatı, 43-ü sayğaclaşdırma, 30-u mərkəzi istilik sistemi, 117-i isə digər məsələlərlə bağlı olub. Zənglərin 36-nı təşəkkür xarakterli, 1-ni isə Fövqəladə Hallar Nazirliyindən daxil olan qaz sızması və dəm qazı ilə bağlı müraciətlər təşkil edib.


Ümumilikdə isə 2020-ci il ərzində vətəndaş müraciətləri ilə bağlı Energetika Nazirliyinin “Çağrı Mərkəzi” və “Qaynar xətt”i tərəfindən 2566 zəng qəbul edilib.  Bu zənglərin 1468-i elektrik enerjisi təchizatı, 302-i qaz təchizatı, 180-i elektrik və qaz sayğaclarının quraşdırılması, 37-i mərkəzi istilik sistemi, 377-i isə digər məsələlərlə bağlı olub. Zənglərin 176-nı təşəkkür xarakterli, 26-nı isə Fövqəladə Hallar Nazirliyindən daxil olan qaz sızması və dəm qazı ilə bağlı müraciətlər təşkil edib.


Hesabat dövründə daxil olan bütün zənglər çevik şəkildə cavablandırılıb, araşdırma tələb edən müraciətlər operativ şəkildə aidiyyəti üzrə nazirliyin müvafiq struktur bölmələrinə və Enerji Məsələlərini Tənzimləmə Agentliyinə yönləndirilib və müraciət edən şəxslər araşdırmaların nəticələri barədə məlumatlandırılıb.


Qeyd edək ki, xüsusi karantin rejiminin davam etdiyi müddət ərzində vətəndaşlar müraciətlərini (012) 598-16-53/54 telefon nömrələri, (012) “974” “Çağrı mərkəzi”, 598-16-55 “Qaynar xətt”i, [email protected] elektron poçt ünvanı, www.minenergy.gov.az internet səhifəsi vasitəsilə Energetika Nazirliyinə ünvanlaya bilərlər.
 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]