BDU-nun müəllimi beynəlxalq konqresdə çıxış edib - - FOTO

BDU-nun müəllimi beynəlxalq konqresdə çıxış edib - FOTO

Bakı Dövlət Universitetinin (BDU) Beynəlxalq münasibətlər və iqtisadiyyat fakültəsinin Politologiya və sosiologiya kafedrasının baş müəllimi, siyasi elmlər üzrə fəlsəfə doktoru Ülkər İmaməliyeva beynəlxalq konqresdə iştirak edib. Konqres Nyu-Yorkun Regional İnkişafın Araşdırılması İnstitutunun təşəbbüsü ilə baş tutub.
 

8-10 yanvar 2021-ci il tarixində Türkiyənin İstanbul şəhərində 12 dövlət nümayəndələrinin təmsil olunduğu III İstanbul Beynəlxalq Araşdırma Konqresi təhsil nəzəriyyəsi və praktikasında tədqiqat yeniliklərinin təqdimatı üçün təşkil olunmuş ilk forumdur.
 

Forumda BDU-nun müəllimi Ülkər İmaməliyeva “İdarəetmənin təkmilləşdirilməsində elektron hökumətin rolu” mövzusunda məruzə ilə çıxış edib.
 

Məruzəçi informasiya və kommunikasiya texnologiyalarında müşahidə olunan sürətli dəyişkənlik və inkişaf ölkələrin idarəetmə anlayışlarına, iqtisadi, sosial və mədəni həyata öz təsirinindən bəhs edib, bu hərtərəfli dəyişmə ilə paralel, müasir idarəetmə anlayışları çərçivəsində informasiyanın əhəmiyyəti də artdığını diqqətə çatdırıb. Xüsusən yeni əsrin ən mühüm şüarlarından biri kimi "bilik gücdür" şüarının hamı tərəfindən qəbul edildiyini xatırladan Ü.İmaməliyeva elektron hökumət proqramları və informasiya texnologiyalarının əhəmiyyətini xüsusi vurğulayıb.
 

Sonda iştirakçılara sertifikatlar təqdim edilib.
 

Qeyd edək ki, məruzənin tam mətni “Regional inkişaf üzrə beynəlxalq araşdırmalar” kitabında (İSBN, Nyu-York) dərc edililib.

 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !