Mədəniyyət/Culture jurnalında Vətən müharibəsini işıqlandıran fotoqraflardan bəhs olunur

“Mədəniyyət/Culture” jurnalında Vətən müharibəsini işıqlandıran fotoqraflardan bəhs olunur

 “Mədəniyyət/Culture” jurnalında Vətən müharibəsini işıqlandıran fotoqraflardan bəhs olunur

Ötən ilin yanvar ayından etibarən “Gilavar” Azərbaycan Foto Klubu Mədəniyyət Nazirliyinin təsisçiliyi ilə yeni adla nəşr olunan “Mədəniyyət/Culture” elmi-metodiki, publisistik jurnalı ilə birgə yeni rubrikaya start verib.
İki ayda bir dəfə nəşr olunan jurnalın iki səhifəsi “Həmkarlarımız” rubrikası ilə Azərbaycan foto sənətinin inkişafına töhvə verən, çəkdikləri fotolarla tarix yazan, Azərbaycanı xarici ölkələrdə və beynəlxalq foto müsabiqələrdə təmsil edən fotoqraflar və fotomüxbirlər ilə söhbətlər yer alırdı. Eyni zamanda, onların qazandıqları nailiyyətlər, onlara uğur gətirən fotolar, fotoqraf həmkarlarına tövsiyələr də oxuculara çatdırılırdı.
Vətən müharibəsinə həsr olunan dərginin altıncı nömrəsinin bir neçə səhifəsi döyüşlər zamanı qaynar nöqtələrdə çalışan fotomüxbirlərə həsr edilib. Burada 44 günün fotoxronikası ilə yanaşı, həmin dönəmdə fotoqrafların keçirdiyi hisslər, yaşadıqları anlar, onların fədakarlıqlarından bəhs olunur. Bundan başqa, jurnalın digər səhifələrində Müzəffər Azərbaycan ordusunun qazandığı qələbə sayəsində 9 noyabrda Azadlıq meydanında keçirilən Zəfər Paradı günü foto klubun üzvləri tərəfindən çəkilən fotolar da yer alır.
Qeyd edək ki, “Gilavar” Azərbaycan Foto Klubu 2017-ci ilin dekabr ayının 1-də yaradılıb. Klubun məqsədi ölkədə fotoqrafiyanın inkişafına töhfə vermək, yaradıcı insanların imkanlarından istifadə etmək, istedadlı fotoqrafları üzə çıxarmaq, onların bu sahəyə maraq göstərmələrinə, beynəlxalq foto müsabiqələrdə iştirak etmələrinə dəstək vermək və ölkəmizi dünyada fotolar vasitəsi ilə tanıtmaqdır

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]