-

Gəncədə itkin düşən bacı-qardaşın cəsədləri tapıldı

Oktyabrın 17-də gecə saatlarında Ermənistan tərəfindən Gəncəyə raket atılması nəticəsində dağıntılar altında qalan uşaqların cəsədləri tapılıb.

Bununla bağlı AzTV-nin hadisə yerindən yayımladığı reportaj zamanı bildirilib.

Qeyd edilib ki, Fövqəladə Hallar Nazirliyinin əməkdaşları artıq hadisə yerində işlərini başa çatdırıblar. Məlumata görə, bu gün saat 12 radələrində azyaşlı bacı və qardaş - Xəlilli Məryəm və Xəlilli Orxanın cəsədləri dağıntılar altından çıxarılıb.

Qeyd edək ki, erməni terroru nəticəsində dünən 6-sı kişi, 4-ü qadın, 3-ü azyaşlı olmaqla 13 nəfər həlak olub, 48 dinc sakin isə yaralanıb.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !