Macarıstanın Wizz air şirkəti Azərbaycana uçuşları bərpa etmək istəyir -

Macarıstanın “Wizz air” şirkəti Azərbaycana uçuşları bərpa etmək istəyir

Macarıstanın “Wizz Air” aviaşirkətindən “Azərbaycan Hava Yolları” Qapalı Səhmdar Cəmiyyətinə (AZAL) 2016-cı ilin mart ayından Azərbaycana uçuşları bərpa etmək niyyətində olduqlarını bildiriblər.

“Azərbaycan Hava Yolları” QSC-dən AZƏRTAC-a bildirilib ki, bununla bağlı yaxın zamanlarda tərəflərin görüşüb danışıqlar aparması gözlənilir. Azərbaycan tərəfi aviareyslərin qeyd olunan vaxtdan həyata keçirilməsinə razılıq verib.

Qeyd edək ki, Azərbaycan tərəfi “Wizz Air” şirkətinə 2015-ci ilin yay və qış mövsümü ərzində uçuşların həyata keçirilməsi barədə bir neçə dəfə müraciət edib, lakin cavab almayıb.

 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !