Elmar Qasımov İstanbul Texniki Universitetinin rektoru ilə görüşüb

Elmar Qasımov İstanbul Texniki Universitetinin rektoru ilə görüşüb

Bakı Ali Neft Məktəbinin (BANM) rektoru Elmar Qasımov İstanbul Texniki Universitetinin (İTU) rektoru prof. İsmayıl Koyuncu ilə onlayn görüş keçirib.


Elmar Qasımov İsmayıl Koyuncuyu yeni rektor təyin olunması münasibətilə təbrik edib, ona fəaliyyətində uğurlar arzulayıb.


Görüş zamanı iki universitet arasında əməkdaşlığın gələcək perspektivləri müzakirə edilib. Xüsusi ilə, informasiya texnologiyaları, kibertəhlükəsizlik kimi istiqamətlərdə birgə proqramların və elmi-tədqiqat fəaliyyətlərinin reallaşdırılması barədə fikir mübadiləsi aparılıb.


Rektor Elmar Qasımov İTU-nun rektoru İsmayıl Koyuncunu Bakıya səfərə dəvət edib.


İstanbul Texniki Universiteti 1773-cü ildə yaradılıb, mühəndislik və memarlıq sahələrində ixtisaslaşmış ali təhsil məktəbidir və dünyanın qabaqcıl texniki universitetlərindən biri hesab olunur.


İsmayıl Koyuncu 2020-ci ilin avqust ayında İTU-ya rektor təyin olunub.

 

 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !
TƏSİSÇİ və BAŞ REDAKTOR :  R A S İ M     S A D I X O V 
(Sadıxov Rasim Mirzəbala oğlu)
 e-mail:  [email protected]