Azərbaycan həqiqətlərinin dünyaya çatdırılmasında gənclərin rolu mövzusunda forum keçirilib - - FOTO

“Azərbaycan həqiqətlərinin dünyaya çatdırılmasında gənclərin rolu” mövzusunda forum keçirilib - FOTO

14 avqust 2020-ci il tarixində Azərbaycan Respublikasının Gənclər Fondunun təşkilatçılığı ilə "Ermənistanın Azərbaycana hərbi təcavüzü və erməni təxribatı, Azərbaycan həqiqətlərinin dünyaya çatdırılmasında gənclərin rolu” mövzusunda onlayn forum baş tutub.


Forumda Azərbaycan Respublikasının Türkiyə Respublikasında fövqəladə və səlahiyyətli səfiri Xəzər İbrahim, Azərbaycanın Los-Ancelesdəki baş konsulu Nəsimi Ağayev, Azərbaycan Respublikasının Gənclər Fondunun icraçı direktoru Fərid Cəfərov və Azərbaycan Respublikasının Xarici İşlər Nazirliyinin mətbuat xidməti idarəsinin rəisi Leyla Abdullayeva çıxış ediblər.


Gənclər Fondunun rəsmi facebook səhifəsi vasitəsilə canlı yayımlanan görüşdə iştirak edən rəsmilər gənclərin şərhlərə yazdıqları sualları cavablayaraq, Azərbaycan həqiqətlərinin gənclər tərəfindən dünyaya çatdırılmasındakı mühüm rolu, gənclərin bu sahədə fəaliyyətlərini düzgün qurmalarının əhəmiyyəti və dünyanın hər yerində yaşayan gənclərimizin şəbəkələşərək vahid amal uğrunda birləşmələrinin vacibliyinə toxunublar.


Eyni zamanda, rəsmilər öz çıxışlarında xaricdə yaşayan soydaşlarımızın Azərbaycan ordusuna dəstək məqsədilə keçirdikləri aksiyaların əhəmiyyətini vurğulamış, müasir gəncliyimizin vətənpərvərlik anlayışının geniş olmasını, təhsilli və fərdi inkişafı vasitəsilə vətənə xeyir verməyə çalışdıqlarını təqdirəlayiq hal kimi dəyərləndirmişlər.
 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !