DOST Agentliyinin əməkdaşları təşəkkürnamələr ilə təltif edildi - - FOTO

DOST Agentliyinin əməkdaşları təşəkkürnamələr ilə təltif edildi - FOTO

Azərbaycan Respublikasının Əmək və Əhalinin Sosial Müdafiəsi Naziri cənab Sahil Babayevin imzaladığı əmr ilə Dayanıqlı və Operativ Sosial Təminat Agentliyinin (DOST) əməkdaşları Təşəkkürnamələrlə təltif edilib. Təşəkkürnamələri nazir müavini Anar Əliyev DOST Agentliyinin əməkdaşlarına təqdim edib.
 

Bu gün Agentliyin Aparatında baş tutan tədbirdə nazir müavini Anar Əliyev DOST Agentliyinin iki il öncə Prezident İlham Əliyevin imzaladığı fərmanla təsis edildiyini xatırladıb. Onun sözlərinə görə, DOST ölkəmizdə yenilik olduğuna görə, bəzən bir sıra çətinliklərlə müşaiyət olunur. Çünki yeni qaydalar tətbiq edilir. Buna baxmayaraq, DOST fəaliyyət göstərdiyi müddət ərzində özünü doğrultmağı bacarıb. Bu brendin formalaşmasına, o cümlədən vətəndaş məmnunluğunun yüksək səviyyədə olmasına görə DOST-da çalışan əməkdaşların zəhməti xüsusi qeyd olunmalıdır.
 

DOST Agentliyinin İdarə Heyətinin sədri Fərid Məmmədov, da öz növəsində qeyd edib ki, DOST ölkəmizin uğurlu bir brendinə çevrilməkdədir. Bu istiqamətdə Prezident İlham Əliyevin, Birinci Vitse-prezident Mehriban xanım Əliyevanın və Əmək və Əhalinin Sosial Müdafiəsi naziri Sahil Babayevin daim diqqəti hiss olunur.
 

Çıxışlardan sonra ƏƏSMN tərəfindən hazırlanmış təşəkkürnamələr əməkdaşlara təqdim edilib.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !