Xüsusi karantin rejimi çərçivəsində 18 may 2020 – ci ildən muzeylər öz fəaliyyətini bərpa etdi - (+FOTO=5)

Xüsusi karantin rejimi çərçivəsində 18 may 2020 – ci ildən muzeylər öz fəaliyyətini bərpa etdi (+FOTO=5)

Azərbaycan Respublikası Nazirlər Kabineti yanında Operativ Qərərgahın koronavirus infeksiyası ilə bağlı Azərbaycandakı sanitar – epidemioloji vəziyyət, ölkə əhalisi arasında virusa yoluxanların ümumi sayı və xəstələrin sağalma dinamikası nəzərə alınaraq, xüsusi karantin rejimi çərçivəsində tətbiq edilən məhdudiyyətlərin daha bir qisminin yumuşaldılması ilə 18 may 2020 – ci ildən muzeylər öz fəaliyyətini bərpa etdi.
Fəaliyyətini bərpa edən Azərbaycan İstiqlal Muzeyi Operativ Qərərgahın və Beynəlxalq Muzeylər Şurası İCOM – un dərc olunmuş tövsiyələri çərçivəsində əməkdaşların və muzeyi ziyarət edən tamaşaçıların sağlamlığını qorumaq məqsədi ilə müəyyən qabaqlayıcı tədbirlər görmüşdür. Muzeyin zallarında COVİD – 19 – dan qorunmaq üçün məlumatlandırıcı löhvələr asılmış, sosial məsafənin qorunması məqsədi ilə nişanlanma aparılmış, maska, əlcək və dezinfeksiya vasitələri qoyulmuşdur. Eyni zamanda muzeyin ekspozisiya zalları və inzibati otaqları xüsusi lisenziyaya sahib və bu sahədə fəaliyyət göstərən təşkilat tərəfindən bütün sanitar gigiyenik normalara əməl edilməklə təkrarən dezinfeksiya edilmişdir.
İstiqlal Muzeyində tamşaçıların asudə vaxtlarınısəmərəli təşkil edə bilmələri üçün infeksiyaya əks-epidemik tədbirlər hər gün mütəmadi olaraq təkrarlanır.
Keçmişimizə səyahət və dövlətçilik tariximizə dair maraqlı məlumatları öyrənməniz üçün Azərbaycan İstiqlal Muzeyi Sizin yolunuzu gözləyir.
 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !