Beynəlxalq Muğam Mərkəzində gənc ifaçıların konserti təqdim edilib - (+FOTO=3)

Beynəlxalq Muğam Mərkəzində gənc ifaçıların konserti təqdim edilib (+FOTO=3)

Beynəlxalq Muğam Mərkəzindən "Bizi birləşdirən mədəniyyət” layihəsinin canlı yayımları davam edir. Mədəniyyət Nazirliyi və “Mədəniyyət” kanalı tərəfindən birgə “Bizi birləşdirən mədəniyyət” layihəsi çərçivəsində Beynəlxalq Muğam Mərkəzindən növbəti canlı konsertin qonaqları gənclər olub.

Milli Konservatoriyanın tələbələri İbrahim Babayev (tar), İsmayıl Zülfüqarov (tar), Pərviz Məmmədov (fortepiano), Vəfadar Ramiz (ritm alətləri) öz ifalarını təqdim ediblər. Gənclər bildiriblər ki, sənətdə əsas məqsədləri Azərbaycan musiqisini keyfiyyətli və zövqlü şəkildə dinləyiciyə təqdim etməkdir.

Canlı efirin qonağı olan gənc bəstəkarlar Aydan Əliyeva, Nigar Əliyeva, Saleh Nəzərov dövlət tərəfindən yaradıcılıqlarının inkişafına göstərilən diqqət və qayğıdan söz açıblar. Vokal ifaçıları Orxan Hüseynov, Ayan Tohidi bəstəkarların əsərlrindən nümunələr təqdim ediblər. Vokalçıları Əməkdar artist Fəridə Hüseynova və gənc fortepiano ifaçısı Arzu Əsgərli müşayiət edib.

Kamança ifaçısı Elnur Salahov solo və müşayiətçi kimi fəaliyyətindən söz açıb. İfaçı eyni zamanda pedaqoq kimi fəaliyyətindən, BMM –da keçirilən konsertlərdə həm ansambl həm də üçlüklə iştirak etdiyini də xüsusi vurğulayıb. Diqqətə çatdırılb ki, BMM –nin Azərbaycan musiqisinin təbliğində mühüm rolu var.

Qeyd edək ki, “Bizi birləşdirən mədəniyyət” layihəsinin çəkilişləri həftəiçi canlı olaraq BMM-dən yayımlanır. Canlı yayımlar, eyni zamanda, BMM -nin “Facebook” səhifəsindən də təqdim edilir. Konsertlərin anonsları əvvəlcədən BMM-nin sosial şəbəkələrində izləyicilərə təqdim olunur. 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !