Azərbaycanda Dünya Ürək Günü qeyd edilib - + FOTO=14

Azərbaycanda Dünya Ürək Günü qeyd edilib + FOTO=14

Hər il sentyabrın 29-u Dünya Ürək Federasiyası və üzv təşkilatlar, eləcə də dünyanın ayrı-ayrı ölkələrində müxtəlif səhiyyə təşkilatları tərəfindən Dünya Ürək Günü kimi qeyd edilib. “Ürəyinizin qəhrəmanı olun” (Be A Heart Hero) Dünya Ürək Gününün bu ilki şüarıdır. Bu il insanları ürəklərinin qorunması üçün mübarizəyə səsləyən Dünya Ürək Federasiyası ürək sağlamlığına daha çox diqqət ayırmağı hədəfləyir.

Azərbaycanda da Dünya Ürək Günü ilə bağlı müxtəlif tədbirlər keçirilib. Azərbaycan Ürək-Damar Cərrahiyyəsi Cəmiyyəti hər il olduğu kimi bu il də bir neçə sosial aksiya və elmi konfrans təşkil edərək, ürək sağlamlığının vacibliyinə diqqət çəkib.

Daha çox insanın Dünya Ürək Günü ilə bağlı məlumatlandırılması məqsədilə sentyabrın 27-28-də Park Bulvar AVM-də aksiya keçirilib. Aksiya zamanı Mərkəzi Klinik Xəstəxananın həkim briqadası tərəfindən ödənişsiz əsaslarla insanların qan təzyiqi, qanda şəkərin, xolesterolun miqdarı ölçülüb, ürək-damar xəstəliklərindən qorunmağın yolları haqqında məsləhətlər verilib.

Sentyabrın 28-də daha bir sosial aksiya baş tutub. Belə ki, Mərkəzi Klinik Xəstəxananın həkim briqadası tərəfindən Bilgəh qəsəbəsində yerləşən pensiya yaşına çatmışlar üçün sosial xidmət müəssisəsi – Qocalar Evində məskunlaşan ahıllar müayinədən keçirilib, onlar üçün müalicə kursu təyin edilib. Aksiyaya dəstək verən KRKA Şirkəti isə ahılların lazımi dərman preparatları ilə təmin olunmasını təşkil edib.

Dünya Ürək Günü ilə əlaqədar keçirilən tədbirlərin sonuncusu isə Hyatt Regency otelində KRKA Şirkətinin dəstəyi ilə ürək-damar cərrahları, rezidentlər və gənc həkimlərin iştirak etdiyi Dünya Ürək Gününə həsr olunmuş elmi-praktiki konfrans olub. Konfransda Dünya Ürək Gününün əhəmiyyəti qeyd olunub, ürək sağlamlığında aktual mövzular ətrafında çıxışlar edilib, müzakirələr aparılıb.

Azərbaycan Ürək və Damar Cərrahiyyəsi Cəmiyyətinin sədri, Mərkəzi Klinik Xəstəxananın baş həkimi, professor Kamran Musayev bildirib ki, Dünya Ürək Gününün qeyd edilməsi artıq ənənəyə çevrilib.

“Azərbaycan Ürək və Damar Cərrahiyyəsi Cəmiyyəti tərəfindən 2004-cü ildən etibarən hər il Dünya Ürək Gününü bir neçə aksiya və elmi tədbirlə qeyd edirik. “Dünya Ürək Günü” ilə əlaqədar keçirdiyimiz tədbirlərdə ürək sağlamlığının əhəmiyyətindən danışır, insanlar arasında ürəyin fəaliyyətinə biganə qalmamağa çağırışlar edirik. Bu il “Ürəyinizin qəhrəmanı olun!” şüarı ilə keçirdiyimiz aksiya və tədbirlərdə də insanlara ürək sağlamlığının qorunmasında hər kəsin qəhrəman ola biləcəyinin mümkünlüyü barədə məlumatlar paylaşdıq, onları sağlam həyata və sağlam qidalanmağa çağırdıq.” 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !