Əqli Mülkiyyət Agentliyinin İdarə Heyətinin sədri ABŞ-ın Trimble şirkətinin nümayəndəsini qəbul edib - (+FOTO=2)

Əqli Mülkiyyət Agentliyinin İdarə Heyətinin sədri ABŞ-ın “Trimble” şirkətinin nümayəndəsini qəbul edib (+FOTO=2)

 AZpress.AZ xəbər verir ki, Azərbaycan Respublikasının Əqli Mülkiyyət Agentliyinin İdarə Heyətinin sədri Kamran İmanovABŞ-ın “Trimble” şirkətininnümayəndəsi Denis Kupsov, “AZEL Systems” MMC-nin prezidenti İqor Yakovenko və Azərbaycanda Amerika Ticarət Palatasının (“AmCham”)əməkdaşı Rəşid Məmmədovu qəbul edib.

Qonaqları salamlayan K.İmanov ölkəmizdə həyata keçirilən institusionalislahatlar nəticəsində müəlliflik hüququ və əlaqəli hüquqlar, həmçinin sənaye mülkiyyəti sahələri üzrə səlahiyyətləri özündə birləşdirən Əqli Mülkiyyət Agentliyinin yaradıldığını bildirib. Agentliyin sədri ABŞ-ın “Microsoft” şirkətinin proqram təminatı məhsullarının qorunması üzrə işlərin səmərəsinin artırılması istiqamətində bir sıra işlərin görüldüyünü və hazırda “Oracle” şirkəti ilə də bu sahədə müzakirələrin davam etdirildiyiniqeyd edərək, “Trimble” şirkətinin üzləşdiyi promlemləri dinləməyə hazır olduqlarını diqqətə çatdırıb.

Qəbul üçün təşəkkürünü bildirən D.Kupsov “Trimble” şirkətinin proqram təminatı üzrə məhsullarından bir sıra hallarda ölkəmizdə lisenziyasız istifadə olunmasından narahatlığını ifadə edib. O, “Trimble” şirkətinin bu cür hüquqpozuntularına qarşı mübarizə üsulları üzrə digər ölkələrdəki təcrübəsi barədə məlumat verib vəAzərbaycanda şirkətin softver məhsullarının qeyri-qanuni istifadə edilməsi halları ilə mübarizədə Agentliyin köməklik göstərməsini xahiş edib.

İnformasiya texnologiyaları üzrə beynəlxalq şirkətlərin Azərbaycanda təmsil olunmaları istiqamətində uzun müddət çalışdıqlarını söyləyən İ.Yakovenko da“Trimble” şirkətinin məhsullarından Azərbaycanda bir sıra özəl tikinti şirkətlərinin qanuni istifadə etdiyini, lakin bəzi hallarda lisenziyasız istifadə hallarının da olduğunuvurğulayıb.

Həmçinin R.MəmmədovAmCham”ın da Azərbaycanda əqli mülkiyyət hüquqlarının qorunmasında və bu iqtiqamətdə Agetnlik ilə əməkdaşlıq etməkdə maraqlı olduğunu qeyd edib.

Sonra Kamran İmanov ölkəmizdə müəllif hüququ obyektlərinin qeydiyyatı sistemi haqqında məlumat verib, bunun hüquq sahiblərinin, o cümlədən informasiya texnologiyaları sahəsində fəaliyyət göstərən şirkətlərin maraqlarında olmasını və mübahisələr yaranan hallarda, əsərlərin qeydiyyatı haqqında Agentlik tərəfindən verilən şəhadətnamələrin məhkəmələr tərəfindən müəlliflik prezumpsiyası kimi tanındığını vurğulayıb.

Agentliyin rəhbəri “Trimble” şirkətinin proqram təminatı məhsullarının qeyri-qanuni istifadə halları barəsində Agentliyə müraciət edilməsinin vacib olduğunu və bununla bağlı qanunvericiliyin tələbləri çərçivəsində müvafiq addımların atılacağını bildirib.

 

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !