Milli Məclisdə "Təhsil kreditləri haqqında" qanun layihəsi müzakirə edilib -

Milli Məclisdə "Təhsil kreditləri haqqında" qanun layihəsi müzakirə edilib

Milli Məclisin 2019-cu il payız sessiyasında gündəmə gətirmək istədiyimiz məsələlər arasında Rəqabət Məcəlləsinin qəbulunun sürətləndirilməsi xüsusi yer tutacaq.

Bunu Oxu.Az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Əli Məsimli deyib.

Xatırladaq ki, Rəqabət Məcəlləsi 2006-cı ildə Prezident tərəfindən Milli Məclisə təqdim edilib. Qanun layihəsi iki oxunuşdan keçsə də, üçüncü oxunuşa çıxarılmayıb.

Ə.Məsimli həmkarı Vahid Əhmədovla birlikdə "Təhsil kreditləri haqqında" qanun layihəsini hazırlayıb Milli Məclisə təqdim etdiklərini xatırladıb.

"Azərbaycanda orta aylıq əməkhaqqı 600 manatın altında, büdcə təşkilatlarında çalışanların xeyli hissəsinin maaaşları 300-400 manat arasındadır. Belə şəraitdə təhsil haqları arta-arta beş min manatı ötüb və orta hesabla 2,5-3 min manatdır. Orta statistik Azərbaycan ailəsinin gəliri ilə bu ağırlıqda təhsil haqqını qarşılamaq olmaz. Hər il minlərlə gənc təhsil haqqını ödəyə bilmədiyi üçün təhsildən kənarda qalır. Bu gənclər aztəminatlı ailələrin övladlarıdır. Sadəcə maddi imkanı olmadığı üçün həmin gənclərin ali təhsil almaq arzusu gözündə qalır", - Ə.Məsimli əlavə edib.

Komitə üzvü qeyd edib ki, Azərbaycanda təhsil ya pulsuz olmalı, ya da ehtiyacı olanlara əlverişli şərtlərlə təhsil kreditləri verilməlidir:

"Gənclərə əlverişli şərtlərlə təhsil kreditləri verilməsinə dair qanun layihəsini biz hazırlamışıq. İndi onun qəbuluna çalışacağıq. Bu qanunun qəbulu həm təhsil haqqını ödəyə bilməyən minlərlə gəncin təhsildən kənarlaşdırılması kimi çox ciddi problemi aradan qaldıra, həm də aztəminatlı ailələrin ailə büdcəsini təhsil haqları kimi ağır bir yükdən azad edə bilər".

Deputatın fikrincə, iqtisadiyyatın inkişafına əlavə təkan verməkdən ötrü bankların iqtisadiyyatın real sektoru ilə əlaqəsinin gücləndirilməsi məsələsi xüsusi önəm daşıyır:

"Kredit qoyuluşları artmağa başlasa da, yenidən real sektorun inkişafına yox, istehlak kreditlərinə üstünlük verilməyə başlanılıb. 2015-2016-cı illərdə bunun yaratdığı fəsadlar hələ tam aradan qaldırılmayb. Kredit faiz dərəcələrinin aşağı salınması və bank sisteminin real sektorla əlaqəsinin gücləndirilməsi istiqamətində ciddi islahatlar aparılmasına ehtiyac var. Ona görə də sözügedən istiqamətlərdə mövcud qanunvericilik sənədlərinə dəyişikliklər edilməsi təşəbbüsü ilə də çıxış edəcəyik".

Milli Məclis üzvü onu da xatırladıb ki, 2019-cu il öz əhəmiyyətinə və bir sıra cəhətlərinə görə özündən əvvəlki illərdən fərqlənir:

"Bu il iqtisadi artım tempi əvvəlki illərlə müqayisədə yüksəlib. 4,2 milyon nəfərdən artıq insanı əhatə edən sosial paket həyata keçirilir. Təbii ki, həmin müsbət meyilləri sonrakı illərdə də davam etdirmək, iqtisadi və sosial proseslərin tənzimlənməsinin hüquqi bazasını möhkəmləndirməkdən ötrü zəruri addımların atılmasına da ehtiyac var.

Neqativ halların aradan qaldırılmasına yönələn işlərin genişləndirilməsi zərurətə çevrilir. Bunun yolu islahatları dərinləşdirməkdən, iqtisadiyyatın liberallaşdırılmasından və tam rəqəmsallaşdırılmasından, idarəetmə sistemində çevikliyin, şəffaflığın, hesabatlılığın, məsuliyyətin artırılmasından keçir".

Aqşin Kərimov 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !