Şəhriyar Məmmədyarovla seans - (+FOTOLAR)

Şəhriyar Məmmədyarovla seans (+FOTOLAR)

 AZpress.AZ xəbər verir ki, Bakı Gənclər Mərkəzində 23 iyun tarixində dünya şahmatının dəyərli simalarından olan həmyerlimiz Şəhriyar Məmmədyarovla şahmat seansı baş tutub.

Bakı Gənclər Mərkəzi və onun nəzdində fəaliyyət göstərən “Şah Klub” Şahmat klubunun təşkilatçılığı ilə baş tutan sosial xarakterli tədbir gənc şahmatçıların təcrübə toplamaları və daha da inkişaf etmələri məqsədi ilə təşkil olunub. Şahmat seansında Şəhriyar Məmmədyarov tərəfindən seçilmiş 28 gənc şahmatçı və kiçiklər iştirak edib.

Tədbirdən öncə Şəhriyar Məmmədyarov Bakı Gənclər Mərkəzində infoturda iştirak edib. İnfoturda dəyərli şahmatçımız Mərkəzin imkanları ilə yaxından tanış olaraq fəaliyyət yönləri haqqında ətraflı məlumat əldə edib. Tədbirin açılışı zamanı Bakı Gənclər Mərkəzinin direktoru Rəvanə Həşimova, “Şah Klub” Şahmat klubunun rəhbəri və baş məşqçisi Araz Babayev və dəyərli şahmatçımız Şəhriyar Məmmədyarov çıxış edərək gələn qonaqlar və iştirakçılara tədbirin əhəmiyyəti haqqında danışıb. Azərbaycan şahmatının gələcəyinə böyük ümidlər bəslədiyini bildirən Şəhriyar Məmmədyarov hər bir iştirakçıya uğurlar arzulayaraq qələbəyə oynayacağını bildirmişdir.

Eyni anda 28 oyunçu ilə seans keçirən dəyərli şahmatçımız gərgin və maraqlı atmosferdə keçən oyunların sonunda şahmat taxtasından 26,5 – 1,5 hesabı ilə qalib ayrılıb. Şəhriyar Məmmədyarov təkcə 3 oyunda, İbrahimli Murad, Babazadə Xəzər və kiçik şahmatçı Bayramlı Rafaelə qarşı heç-heçə edərək xal itirib.

İştirakçı və qonaqların sevgisi ilə əhatələnən dəyərli şahmatçımız Şəhriyar Məmmədyarov öz təcrübəsi və ustalığı ilə bir daha ŞAH ləqəbinə layiq olduğunu təsdiq edib.

 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

                                   

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !