Qubada gənclər arasında intellektual turnir keçirilib - (+FOTOLAR)

Qubada gənclər arasında intellektual turnir keçirilib (+FOTOLAR)

 AZpress.AZ xəbər verir ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Yurd” Gənclərin İntellektual İnkişafına Dəstək İctimai Birliyi yeniyetmə və gənclər arasında vətənpərvərlik və vətəndaşlıq tərbiyəsinin yüksəldilməsi, hərb sənətinin və hərb tariximizin təbliği məqsədilə “Hər şey vətən üçün!” gənclərin vətənpərvərlik festivalı” adlı layihə çərçivəsində Quba şəhərində Quba və Qusar rayonlarında yaşayan və təhsil alan gənclərin iştirakı ilə intellektual turnir keçirib.

Rəsmi hissədə çıxış edən layihə rəhbəri Ramin Mahmudov bildirib ki, layihənin əsas məqsədi yeniyetmə və gənclər arasında əyləncəli öyrənmə üsulları ilə şanlı hərb tariximizin, sərkərdələrimizin, ordu quruculuğumuzun təbliği, milli qəhrəmanlarımızın tanıdılmasına nail olmaqdır. Natiq onu da bildirib ki, 3 ay davbam edəcək layihə çərçivəsində Quba və Qusar rayonlarında gənclərin hərbin sirlərinə yiyələnmələri və hərbi xidmətə formalaşdırılması məqsədilə tir atıcılığı və peyntbol üzrə turnirlər, eləcə də gənclər arasında idmanla məşğul olmanın və sağlam həyat tərzinin təbliği məqsədilə cüdo turnirlərinin keçirilməsi planlaşdırılıb. Layihədə ümumilikdə 300 nəfərə yaxın gənclin iştirakı nəzərdə tutulub.

Tədbirdə iştirak edən Quba rayon Təhsil Şöbəsinin əməkdaşı Mehparə Rüstəmova çıxışında bu kimi layihələrin icra olunmasının yetişməkdə olan gənc nəsil arasında vətəndaşlıq və vətənpərvərlik hisslərinin yüksəldilməsi baxımından əhəmiyyət daşıdığını bildirərək QHT-na Dövlət Dəstəyi Şurasına və eləcə də təşkilata minnətdarlıq edib.

Rəsmi hissədən sonra Quba və Qusardan olan 18 komanda tərkibində birləşən 110nəfərgəncin iştirakı ilə turnirə start verilib.

İlk olaraq 16 komanda Nə? Harada? Nə zaman? oyunu üzrə mübarizə aparıb və ilk 8 yeri tutan komandalar ikinci mərhələyə vəsiqə əldə ediblər.

İkinci mərhələdə breyn rinq formatı üzrə biliklərini nümayiş etdirən komandalardan 4-ü son mərhələyə vəsiqə əldə edib.

Xəmsə intellektual oyunu üzrəkeçirlən son mərhələnin nəticələrinə görə isə Quba rayonu Zərdabi qəsəbəsinin “Atom” komandası turnirin qalibi adını qazanıb. Bağbanlı qəsəbəsinin “İstiqlal” komandası ikinci, Quba şəhər Texniki Təmayüllü Liseyin “TTL” komandası isə üçüncü mükafata sahib çıxıb.

Yekunda qalib və mükafatçılar təşkilatçılartərəfindən kubok, medal və diplomlarla təltif ediliblər.Turnirdə iştirak edən hər bir iştirakçıya layihə çərçivəsindəhazırlanmış bukletlər və Azərbaycanın hərbtarixinə aid məlumat kitabçaları paylanılmışdır.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

                                               

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !