QƏLBİNİ BULAŞDIRMISAN - - Şirinxanım Kərimbəyli ŞADİMAN yazır..

QƏLBİNİ BULAŞDIRMISAN - Şirinxanım Kərimbəyli ŞADİMAN yazır..

QƏLBİNİ BULAŞDIRMISAN

 

Qəlbini tozlara bulaşdırmısan,
Qoruya bilmirsən ürək neyləsin?!
İçinə ağrılar suvaşdırmısan,
Ağrını bəsləyən kələk neyləsin?!

 

Əzabı çəkirsən özünə sarı,
Zamanı doyduran ömürün darı,
Dünyanın əlində dünyanın varı,
Tamaha güc verən dilək neyləsin?!

 

Yıxıb sürüyürsən sözünü hər gün,
Nahaq sovurursan közünü hər gün,
Dayan, güzgüdə gör özünü hər gün,
Ömrünü ələyən ələk neyləsin?!

 

Hər gülə eşq edən kəpənək olma,
Əllərə keçəcək dəyənək olma,
Dəryayla çarpışan siyənək olma,
Qapıb daşa çırpan külək neyləsin?!

 

Sözünə yiyə çıx, özünə ağa,
Çalış həyatına halal gün doğa,
Qocalan vaxtında gedəndə yorğa,
Dilində qopacaq neylək neyləsin?!

 

Ağıl da insana pulla verilmir,
Bağçada bitməyir əllə dərilmir,
Xonçatək bəzənib önə sərilmir,
Başda olmayana fələk neyləsin?!

 

Şadiman sözünü söylədi kəsə,
Sağ ikən ruhunu salma qəfəsə,
Gələndə pis gözə, düşəndə nəsə,
Çiynindən boylanan mələk neyləsin?!

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !